एमाले अध्यक्ष केपी शर्मा ओलीले पाए स्काउटको मेधावी योगदान पदक

खोज पत्रिका सोमवार, २०७८ फाल्गुन ९, २१ :३६ बजे

काठमाडौं । विश्व स्काउट एसिया प्रशान्त क्षेत्रको मेधावी योगदान पदक नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले पाएका छन् ।

विश्व स्काउट एसिया प्रशान्त क्षेत्रीय सम्मेलनमा ओलीले नेपाल स्काउटको अभियान विकास, विस्तार र प्रवर्द्धन मार्फत् बालबालिका तथा युवाको सर्वपक्षीय विकासमा पुर्याएको योगदानका लागि सो पुरस्कार प्रदान गरिएको नेपाल स्काउटले जानकारी दिएको छ ।

ओली मेधावी योगदान पदक प्राप्त गर्ने पहिलो नेपाली समेत भएका छन् । प्रधानमन्त्रीकै रुपमा ओलीले बालबालिकासँग प्रधानमन्त्री कार्यक्रम सुरुवात गरेका थिए । नेपाल स्काउटलाई ७ सय ५३ वटै स्थानीय तहमा विस्तार गर्न सहयोग गरेको भन्दै सो पुरस्कार प्रदान गरिएको नेपाल स्काउटले जनाएको छ ।