पर्यटन मन्त्री प्रेम आले चढेको गाडीलाई कारले दियो ठक्कर

खोज पत्रिका बुधबार, २०७८ पुस २८, १४ :०८ बजे

काठमाडौं । कैलालीको धनगढीमा संस्कृति, पर्यटन तथा नागरिक उड्डयन मन्त्री प्रेम आले चढेको गाडी दुर्घटनामा परेको छ। मन्त्री आले चढेको सु.प. प्रदेश ०१–००१ झ ३३३ नम्बरको गाडी मंगलबार राति धनगढी विमानस्थलनजिकै सडकमा दुर्घटनामा परेको हो। सो गाडीलाई बा ४ च १३७७ नम्बरको कारले ठक्कर दिएको कैलालीका प्रहरीले जनाएको छ ।

धनगढी विमानस्थलबाट बाहिरिने क्रममा निजी कारले मन्त्री आले चढेको गाडीमा ठक्कर दिएको थियो । कारले ठक्कर दिए पनि सवार रहेका मन्त्रीसहित सबै जना सकुशल रहेको र अर्को गाडी चढेर कञ्चनपुर पुगेका छन् । कार चालक कञ्चनपुर कृष्णपुर ९ निवासी पवन कडायतलाई प्रहरीले नियन्त्रणमा लिएको छ ।