शशांक कोइराला सभापतिको दाबेदारबाट पछि हटे,रामचन्द्र,शेखर र प्रकाशमानको सहमति हुन बाँकी

खोज पत्रिका मङ्लबार, २०७८ मंसिर २१, २० :४८ बजे

काठमाडौं । नेपाली कांग्रेसको वरिष्ठ नेता रामचन्द्र पौडेल समूहले बुधबारसम्म सभापतिको साझा उमेद्वार चयन गर्ने दाबी गरेको छ । मंगलबार चाक्सीबारीमा बसेको लामो बैठकले भोलीसम्म सभापतिको साझा उमेद्वार घोषणा गर्ने निर्णय गरेको हो । बैठकपछि वरिष्ठ नेता रामचन्द्र पौडेलले साझा उम्मेदवारीको विषय टुंगिन लागेको बताए ।

उनले त्यसका केही प्रक्रियाहरू पूरा गरेर बुधबार साँझसम्ममा निर्णय सार्वजनिक गर्ने दाबी गरे । पौडेल समूहबाट पौडेलसहित महामन्त्री शशांक कोइराला, पूर्वमहामन्त्री प्रकाशमान सिंह र केन्द्रीय सदस्य शेखर कोइराला सभापतिका आकांक्षी छन् । तर, महामन्त्री शशांक कोइरालाले भने दाबेदार छोडेर पौडेललाई समर्थन जनाएका छन् ।

कांग्रेस महामन्त्री शशांक कोइरालाले सहमतिका लागि आफु मागप्रसस्त गर्न तयार रहेको र अन्य नेताका बीचमा सहमति हुने बताए । उनले पौडेल, प्रकाशमान सिंह र शेखर कोइरालाबीच सहमति भए आफू सभापतिमा दावी छाड्न तयार भएको बताए । महामन्त्री कोइरालाले कतिपयले भोटिङ गरेर उम्मेदवार छान्न सुझाव दिएको भए पनि त्यो उपयुक्त नभएको बताए । आफूहरुबीच एकता नभए टिम नै पराजित हुने निष्कर्ष निकाल्दै पौडेल समूहले एकताको प्रयास गरिरहेको छ ।

क्याटेगोरी : देश/दुनियाँ, प्रमुख समाचार, राजनीति, समाचार