Techie IT
  • २२ मंसीर २०७८, बुधबार
KhojPatrika

एमाले कार्यदलको १० बुँदे सहमतिमा ओली र नेपाल पक्षीय नेताको आ–आफनै व्याख्या


काठमाडौं । नेकपा एमालेको कार्यदलमा आइतबार राति भएको १० बुँदे सहमतिमा नेताहरुले आ–आफनै ब्याख्या गरेका छन् । सहमति लगत्तै प्रधानमन्त्रीका प्रेस सल्लाहकार थापाले शेरबहादर देउवालाई १ सय २३ जनाको मात्र समर्थन रहेको र सर्वोच्चले संसद पुनर्स्थापना र प्रधानमन्त्री नियक्तिका लागि परमादेश दिन नसक्ने दाबी गर्दै सामाजिक सञ्जालमा स्टाट्स लेखेका थिए । उनले फेसबुकमा लेखेका थिए, ‘शेरबहादुर देउवाको साथमा निवर्तमान प्रतिनिधि सभाका सदस्यहरू अब १४६– २३–१ सय २३ मात्र ।

सर्वोच्चद्वारा न परमादेश, न पुनःस्थापना मच्चियो मच्चियो, जेठो नराम्ररी थच्चियो जय नेपाल । एमालेमा भएको सहमतिमा भने प्रतिनिधिसभा विघटनसम्बन्धी सर्वोच्च अदालतमा विचाराधीन मुद्दा र सरकारका सम्बन्धमा पार्टी एकताको मर्म र भावनाका आधारमा विधिसम्मत एवं संस्थागत निर्णय अनुसार हामी अगाडि बढ्ने छौं भनिएको छ । तर, नेकपा एमालेका वरिष्ठ नेता माधवकुमार नेपालले सर्वोच्च अदालतमा विचाराधीन मुद्दामा २३ सांसदको हस्ताक्षर कायमै रहेको बताएका छन् ।

एमालेमा १० बुँदे सहमति भएको भोलिपल्ट बिहान नेता नेपालले सहमति विपरीत गलत व्याख्या भएको बताएका हुन् । प्रधानमन्त्रीका केपी शर्मा ओलीका प्रेस सल्लाहकारले गलत व्याख्या गरेको र त्यो अस्वीकार्य भएको उनको भनाई छ । उनले भनेका छन्, ‘अदालतमा विचाराधीन मुद्दालाई प्रभावित पार्ने वा अदालतको मानहानी गर्ने गरी गरिएको वा गरिने व्याख्या मान्य नहुने कुरा स्पष्ट पार्दै सर्वोच्च अदालतमा विचाराधीन मुद्दामा निवेदक रहेका नेकपा एमालेका २३ जना सांसदहरू सबै एकसाथ रहेको र आफ्नो मान्यता र हस्ताक्षरमा दृढ रहेको कुरा स्पष्ट पार्दछु ।’ अन्य नेपाल पक्षीय नेताहरुले समेत १० बुँदे सहमतिमा आफनो समर्थन नभएको बताउन थालेका छन् ।


क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #१० बुँदे सहमति, #नेकपा एमालेको कार्यदल

तपाईको कमेन्ट लेख्नुहोस्