पूर्वसभामुख महराविरुद्धको बलात्कार मुद्दाको अन्तिम सुनवाई आज

खोज पत्रिका सोमवार, २०७६ फाल्गुन ५, १७ :३२ बजे

काठमाडौं ५ फागुन । पूर्वसभामुख कृष्णबहादुर महराविरुद्धको बलात्कार मुद्दामा आज अन्तिम फैसला हुँदैछ । बलात्कार प्रयास मुद्दामा पुर्पक्षका लागि थुनामा रहेका महराविरुद्धको मुद्दामा फैसला आउन लागेको हो । जिल्ला अदालत काठमाडौंमा महराविरुद्धको बहस सकिए पनि मुद्दा भने हेर्दाहेदैमा राखिएको छ । अध्ययन गर्न समय अभाव भएकाले मुद्दा ‘हेर्दाहेदै’ मा राखिएको अदालतले जनाएको छ । संसद् सचिवालयमा कार्यरत महिला कर्मचारी लाई ‘बलात्कार प्रयास’ गरेको आरोप लागेपछि उनले गत असोज १४ गते सभामुखबाट राजीनामा दिएका थिए । काठमाडौको बालुवाटारस्थित सभामुख निवासबाटै गत असोज १९ गते पक्राउ परेका महरा हाल डिल्लीबजार कारागारमा छन् ।

क्याटेगोरी : देश/दुनियाँ, प्रमुख समाचार, राजनीति, समाचार
ट्याग : #पूर्वसभामुख महरा