नेपाल–भारत सिमानामा छैन् समन्वय

नेपाल र भारतको सिमा क्षेत्रमा हुने गरेको समस्यामा नै नेपालका मन्त्रालयहरुबीच नै आरोप–प्रत्यारोप चलेको छ । गृह र परराष्ट्र मन्त्रालयका प्रतिनिधिबीच नै संसदीय समितिको बैठकमा एकले अर्कोलाई आरोप लगाउदा प्रष्ट देखिन्छ मन्त्रालयहरुका बीच नै समन्वयको अभाव छ । नेपाल सरकारकै लापरबाही र वेवास्ताका कारण सिमासम्बन्धी समस्या बल्झिने गरेको सांसदहरुले आरोप लगाएका छन् । संघीय संसद अन्र्तगतको अन्तराष्ट्रिय सम्बन्ध समितिको बुधबार बसेको बैठकमा दुई देशबीचको विभिन्न स्थानका सिमानामा हुने गरेको समस्या समाधानका लागि दीर्घकालिन उपाय खोज्न सांसदहरुले जोड दिएका हुन् । तर, सिमानामा हुने गरेको समस्याबारे सम्बन्धित मन्त्रालयहरुबीच नै समन्वयको अभाव देखिएको छ । तराई –मधेश डुबान– बाढी तथा नेपाल भारत सीमावर्ती बाँध सम्बन्धमा दीर्घकालिन समाधानबारे छलफल भयो । गृहसचिव प्रेम कुमार राईले समस्याबारे गृहमन्त्रालयले चासो राखे पनि परराष्ट्र मन्त्रालयले वेवास्ता गरेको आरोप लगाए । सोही भनाईलाई परराष्ट्रमन्त्रालयले भने गृहको आरोपको खण्डन गरेको छ । परराष्ट्र सचिव शंकर दास बैरागीले सिमा क्षेत्रमा हुने डुबान समस्या हेर्नका लागि दुई देशका प्रतिनिधि सम्मिलित स्थायी प्रकृतिको संयन्त्र बनेको जानकारी गराए । संयन्त्रले दिएको प्रतिवेदनका आधारमा सुझाव कार्यान्वयनका लागि लेखि पठाईएको बैरागीले दावी गरे । सुस्ता र कालापानी लगायतका सिमा हेर्नका लागि प्रबुद्ध व्यक्तिहरुको समुह गठन गरिएको पनि सचिव बैरागीको भनाई थियो । सुरक्षा निकायले भने जनशक्ति अभावका कारण सिमा समस्या समाधान गर्न नसकिएको गुनासो गरेको छ । शसस्त्र प्रहरी बलका अतिरिक्त महानिरीक्षक नारायण बाबु थापाले जनशक्ति पर्याप्त नभएकाले भारतीय सिमा सुरक्षा बलको अनुपातमा नेपालतर्फबाट तैनाथी व्यापक पार्न नसकिएको बताए । उनले सिमा सुरक्षा बलले साढे २ किलोमिटर भन्दा पनि कम दुरीमा पोष्टहरु निर्माण गरेर सिमा अनुगमन गर्ने गरेको भए पनि नेपाल तर्फका ८७ स्थायी र १ सय ९ वटा आउटपोष्ट बोर्डर मात्रै तैनाथ गरिएको जानकारी दिए । समितिले बाढी समस्या तथा नेपाल भारत सीमावर्ती बाँधका सम्बन्धमा गृह, परराष्ट्र, शसस्त्र प्रहरी बल तथा नापी विभागसंग छलफल गरेको हो । दुई देशबीच सिमा क्षेत्रमा हुने आपराधिक गतिविधि टाउको दुखाइको विषय बन्दै आएको छ ।

थप समाचार

एनसेलको शेयर बिक्रीले खैलाबैला,छानविन गर्न समिति गठनदेखि अदालतको अंकुशसम्म !

बेलायतले रुसलाई लगायोआफ्ना शीर्ष नेताविरुद्ध साइबर जासुसी गरेको आरोप

गाजाको अवस्था अत्यन्त खराब भएको संयुक्त राष्ट्रसंघीय एजेन्सीको दाबी

राष्ट्रियसभा निर्वाचनका लागि कार्यतालिका सार्वजनिक,दल दर्ता गर्न निर्वाचन आयोगको आह्वान

त्रिभुवन विमानस्थल भन्सारबाट १४ किलो सुन बरामद, ज्याकेट र जुत्तामा…

रुकुमपश्चिम सोती हत्याकाण्डको फैसलापछि पीडित परिवारले गरे अदालतलाई ढोगेर फूलको…