कांग्रेस सभापति देउवा भन्छन् ओली सरकार निरंकुशता लाद्न खोज्दैछ

काठमाडौं १८ जेठ । नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओलीले निरंकुशता लाद्न खोजेको आरोप लगाएका छन् । रुपन्देही कांग्रेसको जिल्ला सम्मेलन उद्घाटनमा सभापति देउवाले विगतमा राजाले वाक स्वतन्त्रता, प्रेस स्वतन्त्रतामा हमला गरेजस्तै प्रधानमन्त्री ओलीले निरंकुशता लाद्न खोजको आरोप लगाएका हुन् । उनले ‘जनताका अधिकार खोस्ने र प्रजातन्त्रसँग हिँड्न नखोेजेपछि राजा ज्ञानेन्द्र शाहलाई पनि हटाएको भन्दै निरंकुशता नबन्न ओलीलाई चेतावनी दिए । सरकारले मिडिया काउन्सील विधेयक ल्याएर वाक तथा अभिव्यक्ति र प्रेस स्वतन्त्रता खोस्न खोजेको देउवाको भनाई थियो । ‘२००७ सालदेखि कांग्रेस वाक स्वतन्त्रता, प्रेस स्वतन्त्रताका लागि लडेको भन्दै विधेयक कुनै हालतमा पास हुन नदिने बताए । सरकारले स्वतन्त्र न्यायपालिका र मानवअधिकार आयोगमाथि पनि हस्तक्षेप गरिरहेको उनले बताए । ओली सरकार पञ्चायत भन्दा पनि तल्लो स्तरमा ओर्लेर निरंकुशता र मनपरी लाद्न खोजेकोले ‘सरकारविरुद्ध लड्नुपर्ने अवस्था आएको भन्दै देउवाले आन्दोलनका लागि तयार रहन नेता कार्यकर्तालाई निर्देशन दिए । विपक्षी दलका नेता देउवाले सरकारले ल्याएको वजेट कार्यकर्ता पाल्ने खालको मात्र भएको टिप्पणी गरे । कार्यक्रममा कांग्रेस महामन्त्री डाक्टर शशांक कोइरालाले पार्टी एकजुट भए कसैले हराउन नसक्ने बताए । प्रमुख सचेतक बालकृष्ण खाणले सरकार निरंकुशता र सर्वसत्तावादतर्फ अग्रसर भएको आरोप लगाए । नेता शेखर कोइरालाले सरकारले संघीयता असफल बनाउने काम गरिरहेको बताएका थिए ।

थप समाचार

शपथ लिन पुगेका महावीर पुन भन्छन्– जे जे आइपर्छ त्यही…

फेरि बढ्यो पेट्रोलियम पदार्थको मूल्य

सञ्चारमाध्यममा आएपछि जेनजी आन्दोलनको प्रतिवेदन सार्वजनिक गर्ने प्रधानमन्त्रीको निर्णय

काँग्रेसको १५ औँ महाधिवेशन असोज १६ देखि १९ गतेसम्म काठमाडौंमा

असामान्य स्थितिलाई समान्यकरण गर्दै निर्वाचन गराउनु कम चुनौतिपूर्ण थिएनः प्रधानमन्त्री

उज्यालो नेपाल पार्टीले अब सडकबाटै सरकार चलाउनेछः कुलमान घिसिङ