राष्ट्रपति र उपराष्ट्रपति पुगे पशुपतिमा

काठमाडौ २० फागुन । राष्ट्रपति विद्यादेवी भण्डारी र उपराष्ट्रपति नन्दबहादुर पुन पशुपतिनाथमा पुगी पूजाअर्चना गरेका छन् । महाशिवरात्रि पर्वको अवलोकन गर्न दिउँसो ४ बजेर ३८ मिनेटमा पशुपतिनाथ मन्दिरमा राष्ट्रपति विद्यादेवीले पूजा अर्चना गरिन । पशुपतिनाथमा राष्ट्रपति विद्यादेवी पुगेपछि सुरक्षा निगरानी पनि कडा पारिएको थियो । पशुपति आसपास लगायत क्षेत्रमा गरी कम्तिमा पनि ९ हजार सुरक्षाकर्मी परिचालन गरियो भने ५ हजार स्वयमसेवकहरुले सहयोग गरेका थिए । राष्ट्रपति भण्डारी पुगेको केही बेरमा उपराष्ट्रपति पुन पनि पशुपतिनाथ पुगेका थिए । पाशुपत क्षेत्रमा भक्तजनको नाँचगान, शिव भजन कीर्तन र भारतबाट आएका बाबाहरुको उपस्थिति रहेको थियो । त्‍यसैगरी पशुपतिनाथको दर्शनकै लागि भनेर भारत लगायत अन्‍य मुलुकका विदेशी पाहुनाहरु पनि मन्दिर पुगेका थिए ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने