हतियार भेट्ने बित्तिकै गोली चलाउनु

काठमाडौं ३० फागुन । राजधानी काठमाडौंबाट प्रकाशित दैनिक पत्रिकाहरु बिहिबारपनि विप्लवमाथि लगाइएको प्रतिबन्धमाथि केन्द्रित छन् । खासगरी नेकपामा देखिएको विवाद र प्रहरीको सुरक्षा रणनीतिबारे दैनिक पत्रिकाहरुले लेखेका छन् । प्रधानन्यायाधीश चोलेन्द्रशमशेर जबराले अवकाशको मुखमा मुद्दा नहेर्न न्यायाधीशलाई दिएको निर्देशनलाई पनि पत्रिकाहरुले ‘कभरेज’ गरेका छन् । त्यस्तै, कांग्रेस विवाद, यौनधन्दालगायतका विषयलाई आजका पत्रिकाहरुले स्थान दिएका छन् ।
प्रतिबन्धले खैलाबैला

नेत्रविक्रम चन्द विप्लव समूहको गतिविधिलाई प्रतिबन्ध लगाउने सरकारको निर्णयप्रति सत्तारुढ दल नेकपाका नेताहरुले जनाएको असन्तुष्टिबारे कान्तिपुरले मुख्य समाचार बनाएको छ ।

निर्णय गर्नुअघि सरकारले पार्टीमा छलफल नगरेको भन्दै नेकपा नेताहरुले मुखै फोरेर त्यसको स्वामित्व लिन नसक्ने बताउन थालेका छन् । सरकारले विप्लवको गतिविधि नियन्त्रण गर्ने निर्णय गरेको भोलिपल्ट अध्यक्ष प्रचण्डको खुमलटारस्थित निवासमा सचिवालयमा रहेका माधव नेपाल, झलनाथ खनाल, वामदेव गौतम र झलनाथ खनालको भेला भएको र प्रतिबन्धबारे समीक्षा गरेको समाचारमा उल्लेख छ । प्रतिबन्ध लगाएसँगै त्यसको असर देखिन थालेको छ । भरतपुरमा बुधबार विस्फोट भएको छ भने विप्लव समूहका प्रवक्ता खड्गबहादुर विश्वकर्माको गृहजिल्ला कालीकोटमा प्रहरीले सर्च एण्ड एरेष्ट अपरेशन सुरु गरेको छ ।

कान्तिपुर लेख्छ– सरकारले चन्द समूहको गतिविधिमाथि प्रतिबन्ध लगाएसँगै प्रदेशहरुमा सुरक्षा सतर्कता बढाएको छ । सुरक्षा निकायलाई आन्तरिक विज्ञप्तिमार्फत दिइएको सूचनामा भनिएको छ– हतियारसहित फेला परे तत्काल फायर खोल्नू ।’ शान्तिपूर्ण भेला वा कार्यक्रम गर्न पनि विप्लव समूहलाई प्रतिबन्ध लगाइएको छ । प्रहरीले शान्तिपूर्ण गतिविधि गरेमा मात्रै पनि उनीहरुलाई नियन्त्रणमा लिने नीति लिएको छ ।

लगानीमा झमेला

सरकारले समृद्ध नेपालको नारालाई प्राथमिकतामा राखेको छ । तर, सरकारले देश विकासको नारा अघि सारे पनि लगानीको वातावरण भने बन्न नसकेको कान्तिपुरले लेखेको छ ।

कान्तिपुरका अनुसार स्वदेशी तथा विदेशी दुवै लगानीका लागि झमेला गर्नुपर्ने अवस्था छ । संयन्त्रहरु थपिँदै जाँदा थप समस्या छ ।

बुटवलको कोठीमा रूसी र चिनियाँ

बिहीबार प्रकाशित हुने शुक्रबार साप्ताहिले नेपालमा बढ्दो विदेशी यौनकर्मीमाथि कभर स्टोरी लेखेको छ । रिपोर्टअनुसार, बुटवलका कोठीमा त्यस्ता यौनकर्मीहरु भेटिन थालेका छन् ।

यति मात्र होइन, नेपाल विदेशी यौनकर्मीको ट्रान्जिट बन्दै गएको दाबी पनि शुक्रबारको छ । शुक्रबारले लेखेको छ– पछिल्लो समय नेपाली यौन बजारका सक्रिय दलाल र भारतीय यौन बजारका दलालको सहकार्यमा नेपाल आएका विदेशी यौनकर्मीलाई नेपालको खुला सीमा पार गराउँदै भारतीय शहरसम्म पुर्याउने गरेका छन् ।

थप समाचार

भीम रावललाई घनश्याम भुसालको आह्वानः एकीकृत समाजवादीमा आउनुस्

लिपुलेकबारे चीन–भारत सहमतिले नेपालको सार्वभौमिक अखण्डता अतिक्रमण भयोः विप्लव

कांग्रेसको एक वर्षभित्र महाधिवेशन गर्न दबाब बढाउनुसः शेखर कोइराला

भारतीय पूर्वप्रधानमन्त्री सिंहको राजकीय अन्त्येष्टि

माओवादी पहिलो दल भए गिरिबन्धु, वाइडबडी सबै फाइल खोल्ने प्रचण्डको…

एमालेले किन हटायो भीम रावललाई पार्टी सदस्यबाट ?