टुप्पी कसेर लोकसेवा पढ्ने बिद्यार्थी सडक आन्दोलनमा

काठमाडौं २९ जेठ । यतिबेला टुप्पी कसेर लोकसेवा पढ्ने बिद्यार्थी सडक आन्दोलनमा उत्रिएका छन् । संसदीय समितिले लोकसेवा आयोगले खुलाएको विज्ञापन रद्द गर्न सरकारलाई निर्देशन दिएपछि त्यसको विरोधमा राजधानीमा बिद्यार्थी आन्दोलनमा उत्रिएका हुन् ।

लोक सेवा आयोग स्वतन्त्र संवैधानिक अंग भएकाले संसदीय समितिले दिएको सो निर्देशन पालना गर्न बाध्य नहुने पनि कतिपयले बताउदै आएका छन् । मेहनतबाट जागिरका लागि भौतारिरहेका बिद्यार्थीहरु अव के हुन्छ भन्ने अलमलमा परेका छन् । दरखास्त फारम भर्ने या नभर्ने र भरेकाले पनि अव के गर्ने भन्ने दोधारमा छन् । टुयुसन सेन्टरमा दश हजारदेखि बीस हजारसम्म खर्च गरेका उनीहरु लोकसेवाको बिज्ञापन रद्द गरे आफूहरु कहाँ जाने बिकल्प दिन समेत सरकारलाई आग्रह गरेका छन् । संघीय संसदको राज्य व्यवस्था तथा सुशासन समितिको गत सोमबार बसेको बैठकले सो विज्ञापन तत्काल रद्द गर्न सरकार र लोक सेवा आयोगलाई निर्देशन दिएको थियो । प्रर्दशनका क्रममा युवा÷विद्यार्थीहरुले लोक सेवा आयोगले खुलाएको सो विज्ञापन रद्द गर्ने निर्देशन फिर्ता नलिएसम्म संघीय संसदको राज्य व्यवस्था तथा सुशासन समितिविरुद्धको आन्दोलन जारी राख्ने चेतावनी पनि दिएका छन । उनीहरुले समिति विरुद्ध चर्को नाराबाजी समेत गरेका थिए । समितिले दिएको सो निर्देशन फिर्ता लिन दवाव दिँदै काठमाडौंको माइतीघर मण्डलामा प्रदर्शन गर्दे आएका छन् ।

थप समाचार

रास्वपामा रवि लामिछानेकै नेतृत्व आवश्यक भएको रञ्जु न्यौपानेको दाबी

जेन–जी आन्दोलनसम्बन्धि मानव अधिकार आयोगको सिफारिस गैर संवैधानिक छः बार…

सरकारका नीति र निर्णय जनहितविपरीत रहेको प्रचण्डको आरोप

जग्गाको द्वेध स्वामित्व अन्त्य गर्न सरकार प्रतिवद्ध छः मन्त्री रावल

अदालतको फैसलालाई सरकारको ‘हार–जित’ का रूपमा बुझ्नु संकुचित मानसिकताः मुख्य…

व्यवसायीका सुझावअनुसार नीति सच्याउन तयार छौँः अर्थमन्त्री वाग्ले