एकैदिन थपिए ८ हजार ६ सय ६ संक्रमित,१ सय ७७ संक्रमितको मृत्यु 

काठमाडौं । पछिल्लो २४ घण्टामा देशभर थप ८ हजार ६ सय ७ जनामा कोरोना भाइरस संक्रमण पुष्टि भएको छ । २२ हजार ३ सय ५३ जना पीसीआर र ८ सय ७३ जनाको एन्टीजेन परीक्षण गर्दा काठमाडौंमा १ हजार ७ सय ५३, भक्तपुरमा २ सय ९५ र ललितपुरमा ४ सय सहित ८ हजार ६ सय ७ मा संक्रमण पुष्टि भएको हो । यो सहित नेपालमा कोरोना संक्रमितको संख्या ४ लाख ९७ हजार ५२ पुगेको छ ।

हाल ४७ जिल्लामा ५ सयभन्दा बढी संक्रिय संक्रमित रहेका छन् । १४ जिल्लामा  २ सय भन्दामाथि सक्रिय संक्रमित रहेका छन् । पछिल्लो २४ घण्टामा १ सय ७७ जना कोरोना संक्रमितको मृत्यु भएको छ । पोजेटिभ मध्ये मृत्युदर १.६ प्रतिशत रहेको छ । हालसम्म ६ हजार २४ संक्रमितको मृत्यु भएको छ ।

शुक्रबार ७ हजार ८ सय ९० जना संक्रमित कोरोना मुक्त भएका छन् । हाल कोरोना संक्रमण पश्चात निको हुनेदर ७५.४ प्रतिशत रहेको छ । हालसम्म ३ लाख ७४ हजार ८ सय ३६ जना संक्रमण पश्चात निको भएका छन् ।

अहिले १ लाख १६ हजार १ सय ९२ जनाआइसोलेसनमा छन् । उनीहरु मध्ये १ लाख ८ हजार ४ सय ९५ जना होमआइसोलेसन र ७ हजार ६ सय ९७ जना संस्थागत आइसोलेसनमा उपचारत रहेका छन् । उपचारमा रहेकामध्ये १ हजार ७ सय १६ जना आइसियु र ५ सय ११ जनाको भेन्टिलेटरमा उपचार भइरहेको  छ । देशभरका क्वारेन्टिनमा ९ सय १२ जना रहेका छन् ।