Techie IT
  • ५ कात्तिक २०७८, शुक्रबार
KhojPatrika

उपमन्त्रीसहितको चिनियाँ टोली नेपाल आउँदै


काठमाडौं । सत्तारुढ नेकपा विभाजित भएका बेला चिनियाँ उप–मन्त्रीसहितको टोली आज नेपाल आउँदैछ । चिनियाँ कम्युनिष्ट पार्टीको अन्तर्राष्ट्रिय विभागका उपमन्त्री गुओ येचौको नेतृत्वको टोली आज काठमाडौं आउन लागेको बताइएको छ ।

टोली बेइजिङबाट छङ्तुको बाटो हुँदै दिउँसो काठमाडौं आइपुग्नेछन् । उपमन्त्री गुओसहित ४ जनाको टोलीले नेकपाका शीर्ष नेताहरुसँग भेटघाट गर्ने कार्यतालिका तय भएको छ । प्रतिनिधि सभा विघटन भएसँगै सत्तारुढ नेकपा विभाजित भएका बेला आउन लागेका चिनियाँ उपमन्त्रीको भ्रमणलाई विशेष चासोका रुपमा हेरिएको छ ।

नेकपा दुई अध्यक्ष केपी शर्मा ओली र पुष्पकमल दाहाल प्रचण्डलाई भेटेर विशेष अपिल गर्ने उनको तयारी छ । नेकपामा विभाजन आएपछि चिनियाँ कम्युनिष्ट पार्टीले चासो र चिन्ता लिदै आएको छ । चिनियाँ राजदूत होउ यान्छीले राष्ट्रपति, प्रधानमन्त्रीका साथै नेकपाका शीर्ष नेताहरुलाई भेट गर्दै आएकी छन् ।


क्याटेगोरी : देश/दुनियाँ, ब्रेकिंग न्युज, राजनीति, समाचार
ट्याग : #चिनियाँ कम्युनिष्ट पार्टी

तपाईको कमेन्ट लेख्नुहोस्