चाडपर्वमा मुल्यबृद्धि हुँदा उपभोक्ताको चुल्हो बल्नै गाह्रो,अनुगमन गर्ने सरकारी निकाय सधैं मौन

खोज पत्रिका बुधबार, २०७७ कार्तिक १२, ०२ :३८ बजे

काठमाडौं । चाडबाडको समयमा खाद्यान लगायत तरकारीको मुल्य आकाशिएको छ । एकाएक मुल्य बृद्धि भएसंगै सर्वसाधारण उपभोक्ता समसयामा परेका छन् । चाडबाडको समयमा आलु प्याज तेल लगायत दैनिक उपभोग्य बस्तुमा दोब्बर मूल्यबृद्धि हुँदा उपभोक्ता समस्यामा परेका छन् । बजारमा खाद्यान्नसहित दैनिक उपभोग्य बस्तुमा चरम मूल्यबृद्धि भएपछि सर्वसाधारण सरकारसंग क्रुद्ध भएका छन् ।

खाद्यान्न किन्न गएका सर्वसाधारण मुल्य सुनेर फर्किने गरेका छन् । लामो समय भएको बन्दाबन्दीको कारण समस्यामा परेका सर्वसाधाराण चाडबाडमा भएको यस्तो महंगीले झनै मारमा परेका छन् । अन्य बस्तुको जस्तै तरकारीको मुल्य पनि छोइनसक्नु छ । बिगतमा कम पैसामा झोला भरी तरकारी लगेर जाने चाबहिलकी सरिता पोखरेल अहिले झोला भर्ननै समस्या भएको बताउछिन् ।

चाडबाडको बेला भएको यस्तो मुल्यबृद्धिको कारण छाक टार्ननै धौधौ भएको उनको गुनासो छ । यता व्यापारी भने सामान आयातमानै महंगो परेको कारण केही मुल्यबृद्धि भइको बताउछन् । हुनत चाडबाडमा बिभिन्न बहानामा व्यापारीहरुले दैनिक उपभोग्य बस्तुमा चरम मूल्यबृद्धि बिगतमा पनि नगर्ने हैन । निरन्तर बजारमा तरकारी र खाद्यान्न आइरहेको भएपनि बहाना बनाइरनै उपभोत्तालाई ठग्ने गरेका छन् । यस तर्फ सरोकारवालाको ध्यान जान जरुरी छ ।

क्याटेगोरी : अर्थ, जनप्रतिनिधि, ब्रेकिंग न्युज, समाचार
ट्याग : #तरकारीको मुल्य