काठमाडौं उपत्यकामा थप ७ सय ३७ सहित देशभर १५३९ जनामा कोरोना संक्रमण पुष्टि

खोज पत्रिका बिहिबार, २०७७ अशोज १, ०० :१३ बजे

काठमाडौं । पछिल्लो २४ घण्टामा काठमाडौं उपत्यकामा थप ७ सय ३७ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयको बुधबारको अध्यावधिक विवरणअनुसार काठमाडौंमा ६ सय ५२ ललितपुरमा ६० र भक्तपुरमा २५ जनामा कोरोनाभाइरस संक्रमण पुष्टि भएको हो ।

त्यस्तै, उपत्यका सहित देशभर १ हजार ५ सय ३९ जना कोरोना भाइरस संक्रमित थपिएका छन् । २४ घण्टामा यतिधेरै संक्रमित थपिएको यो संख्या हालसम्मकै उच्च हो । यससँगै देशभर कोरोना संक्रमितको संख्या ५८ हजार ३ सय २७ पुगेको छ ।

यस्तै,देशभर सक्रिय संक्रमितको संख्या १६ हजार २४२ रहेको छ । जसमा संस्थागत आइसोलेशनमा ८ हजार ५४१ र होम आइसोलेशनमा ७ हजार ७०१ जना रहेका छन् । बुधबार १० हजार ४ सय ९४ जनाको पीसीआर परीक्षण भएको छ । यसैबीच कोरोनाबाट मृत्यु हुनेको संख्या ३ सय ७९ पुगेको छ ।

क्याटेगोरी : प्रमुख समाचार, ब्रेकिंग न्युज, समाचार, स्वास्थ्य
ट्याग : #अध्यावधिक विवरण, #कोरोनाभाइरस संक्रमण