Techie IT
  • ६ कात्तिक २०७८, शनिबार
KhojPatrika

काठमाडौं उपत्यकामा घटेन संक्रमण, एकैदिन ४६४ जनामा कोरोना


काठमाडौं । उपत्यकामा एकैदिन ४ सय ६४ जना कोरोना संक्रमित थपिएका छन् । काठमाडौंका ३ सय ९४, ललितपुरका ४३ र भक्तपुरका ३६ जनामा कोरोना संक्रमण देखिएको हो । त्यस्तै, पछिल्लो २४ घण्टामा देशभर थप १ हजार ८१ जनामा संक्रमण पुष्टि भएको छ । यो सँगै हालसम्म संक्रमितको कुल संख्या ४९ हजार २ सय १९ पुगेको छ ।

यस्तै एकैदिन ९ सय १८ जना संक्रमण मुक्त भएका छन् भने हालसम्म निको हुनेको कुल संख्या ३३ हजार ८ सय ८२ पुगेको छ । देशभर सक्रिय संक्रमितको संख्या १५ हजार २५ रहेको छ । जसमा संस्थागत आइसोलेशनमा ७ हजार ९ सय ८८ जना रहेका छन् भने होम आइसोलेशनमा ७ हजार ३७ जना रहेका छन् । यस्तै पछिल्लो २४ घण्टामा ११ हजार १ सय ६७ जनाको पीसीआर परीक्षण भएको छ ।

यसैबीच कोरोनाबाट थप ६ जनाको मृत्यु भएको छ । यससँगै देशभर कोरोनाबाट मृत्यु हुनेको कुल संख्या ३ सय १२ पुगेको छ । हालसम्म २२ जनाको भेन्टिलेटरमा उपचार भइरहेको छ । जसमा २१ जना बागमती प्रदेशका रहेका छन् भने १ जना प्रदेश नम्बर ५ का रहेका छन् । आइसीयुमा भने १ सय ६२ जना रहेका छन् । जसमा बागमती प्रदेशका मात्रै १ सय १ जना रहेका छन् ।

हालसम्म ५५ बढी संक्रमित रहेको जिल्लामा सुनसरी, सर्लाही, काठमाडौं, चितवन, भक्तपुर, ललितपु र रुपन्देही रहेको छन् भने मनाङ, मुस्ताङ, डोल्पा, मुगु र हुम्लामा संक्रमित छैनन् ।


क्याटेगोरी : देश/दुनियाँ, प्रमुख समाचार, ब्रेकिंग न्युज, समाचार, स्वास्थ्य
ट्याग : #कोरोना संक्रमित, #संक्रमण मुक्त

तपाईको कमेन्ट लेख्नुहोस्