नेकपाको स्थायी समिति बैठक बैशाख २५ गते

खोज पत्रिका शनिबार, २०७७ बैशाख २०, २१ :०० बजे

काठमाडौं २० बैशाख । नेकपाको सचिवालय बैठकले बैशाख २५ गते स्थायी समिति बैठक बोलाउने निर्णय गरेको छ । बालुवाटारमा शनिबार राती बसेको बैठकले स्थायी समिति बैठक बोलाउने निर्णय गरेको हो । त्यस्तै स्थायी समिति बैठकको एजेण्डा तय गर्न बैशाख २४ गते सचिवालय बैठक पनि बस्ने भएको छ । बैठकले उपाध्यक्ष बामदेव गौतमलाई उपयुक्त समय मिलाएर प्रतिनिधिसभामा लैजाने पनि निर्णय गरेको छ । पाटीमा देखिएको बिबादबारे अध्यक्षद्धय केपी शर्मा ओली र पुष्पकमल दाहाल प्रचण्डले आफनो गल्ती बारे आत्मआलोचना गरेको प्रवक्ता नारायणकाजी श्रेष्ठले जानकारी दिए । नेकपामा लामो रस्साकस्सीपछि प्रधानमन्त्री ओली स्थायी समिति बैठक बोलाउन तयार भएका हुन् । स्थायी समिति बैठक बोलाउन २० जना सदस्यले हस्ताक्षर समेत बुझाएका थिए । पाटीमा देखिएका कमजोरी सच्याउँदै पाटी एकढिक्का भएर लैजाने दुबै अध्यक्षले प्रतिबद्धता जनाएका छन् ।

क्याटेगोरी : प्रमुख समाचार, ब्रेकिंग न्युज, राजनीति, समाचार
ट्याग : #बैशाख २५ गते स्थायी समिति