बीरगञ्जमा कोराना संक्रमित ४ जना डिस्चार्ज हुँदै

खोज पत्रिका आइतवार, २०७७ बैशाख १४, ०८ :५९ बजे

पर्सा १४ बैशाख । वीरगञ्जस्थित नारायणी अस्पतालमा उपचाररत चारजना कोरोना संक्रमितको पीसीआर परीक्षणको चौथो स्वाब रिपोर्ट पनि नेगेटिभ आएपछि डिस्चार्जको तयारी गरिएको छ । छपकैयाको मक्की जामे मस्जिदमा बसेका तीन भारतीय र रौतहटका एक युवकको चौथो रिपोर्ट नेगेटिभ आएको हो । पीसीआर परीक्षणका लागि चारजना संक्रमितको स्वाबको नमूना संकलन गरी शुक्रवार हेटौंडास्थित प्रादेशिक प्रयोगशाला पठाइएको र त्यहाँबाट चारै जनाको रिर्पोट नेगेटिभ आएको थियो । चारै जनाको लगातार दुर्इ पटक रिर्पोट नेगेटिभ आएपछि उनिहरुलाई आज डिस्चार्ज गरिन लागेको हो । नारायणी अस्पतालमा हाल पाँच जना कोरोना पोजेटिभ छन । एक जना विहिवार सर्लाहीबाट आएका हुन । उनी आएको तीन दिन मात्र भएकोले उनको पनि स्वाब नमुना परिक्षणको लागि पठाउने तयारीमा रहेको छ ।

क्याटेगोरी : देश/दुनियाँ, ब्रेकिंग न्युज, समाचार
ट्याग : #वीरगञ्जस्थित नारायणी अस्पताल