कुशे औंशी अर्थात् बुवाको मुख हेर्ने दिन

काठमाडौं १३ भदौ । भाद्र कृष्ण औंशी अर्थात् कुशे औंशी । हिन्दु धर्मावलम्विहरुले भक्तिभावपूर्ण तरिकाले मनाउँदै छन् । वर्षभरी देवकार्य तथा पितृ कार्यमा पवित्र मानी प्रयोग गरिने वनस्पति कुश घर घरमा भित्र्याउने भएकाले आजको दिनलाई कुशे औंशी भनिएको हो । शास्त्रोक्त विधि अनुसार ब्राह्णद्धारा पूजा गरी छेदन गरेर जजमानकहाँ र्पुयाइएको कुश घरमा राख्नाले परिवारको कल्याण हुने धार्मिक विश्वास छ । हिन्दूहरुले कुशलाई भगवान् विष्णुको प्रतीक मान्दछन् । आजको दिनलाई बावुको मुख हेर्ने दिनका रुपमा पनि मनाइन्छ । यस पर्वमा छोराछोरीले परम्पराअनुसार आ–आफ्ना बुवालाई मनपर्ने मिष्ठान्न तथा भोजन खुवाई उपहार दिएर आदर सम्मान प्रकट गर्ने गर्दछन् । कामका सिलसिलामा घरदेखी टाढा रहेका छोराछोरीहरुले बुबालाई आज बुबालाई सम्झिने सम्पर्क गर्ने र हार्दिकता साट्ने परम्परा छ । फेसवुक, ट्वीटर जस्ता समाजिक सञ्जालमार्फत पनि छोराछोरीले आज आफ्ना वुवाप्रति आदर र सम्मान प्रकट गरिरहेका छन् । बुवा नहुनेहरुले भने आज विभिन्न पवित्र स्थानमा गई पितृको नाममा तर्पण तथा श्राद्ध गरी सिदा दान गर्दैछन् । विशेष गरी आज उत्तरगया भनेर चिनिने काठमाडौँको गोकर्णेश्वर महादेव र रसुवाको वेत्रावती, नुवाकोटको देवीघाट, तनहुँको देवघाट, कोका–कौशिकी (राहक्षेत्र, विष्णुपादुका लगायतका तीर्थस्थानमा दिवङगत बाबुको नाममा तर्पण तथा सिदादान गर्नेको ठूलो घुइँचो लागेको छ ।

थप समाचार

युद्धको भिडियो र फोटो सामाजिक सञ्जालमा हाल्ने ६ नेपाली पक्राउ,…

सेवा प्रवाह प्रभावकारी बनाउन काठमाडौं प्रशासनमा ‘सार्वजनिक सम्बोधन प्रणाली’ लागू

नयाँ जनादेशले देशलाई स्थायित्व, विकास र समृद्धितर्फ अघि बढाउने आशा…

पैसाको सदुपयोग गर्न जान्नुपर्छ– गभर्नर

ड्रोन आक्रमणपछि दुबई विमानस्थल अस्थायीरुपमा बन्द

जेन–जी आन्दालनले धनी र गरिवबीचको आम्दानीको वितरणमा ठूलो खाडल