प्रधानमन्त्री ओली स्वास्थ्य परीक्षणका लागि फेरि सिंगापुर जाँदै

काठमाडौं ५ भदौ । प्रधानमन्त्री केपी शर्मा ओली स्वास्थ्य परीक्षणका लागि बिहिबार सिंगापुर जादैछन् । सिंगापुरमै स्वास्थ्य परीक्षण गराएर गत साउन २७ गते फर्किएका प्रधानमन्त्री ओली १० दिनपछि फेरि त्यसतर्फ जान लागेका हुन् । चिकित्सकको सल्लाह अनुसार प्रधानमन्त्री ओली दिउँसो साढे १ बजे थाई एयरमार्फत सिंगापुर प्रस्थान गर्ने बताइएको छ । ओलीसँगै प्रधानमन्त्री पत्नी राधिका शाक्य, प्रमुख राजनीतिक सल्लाहकार विष्णु रिमाल, निजी चिकित्सक डाक्टर दिव्या सिंहलगायत पनि सिंगापुर जाने प्रधानमन्त्रीको सचिवालयले जनाएको छ । प्रधानमन्त्री ओलीले सिंगापुरस्थित नेसनल युनिभर्सिटी हस्पिटलमा स्वास्थ्य परीक्षण गराउने छन् । यसअघि ओलीले सोही अस्पतालमा स्वास्थ्य परीक्षण भएका थिए । प्रधानमन्त्री ओलीको १२ वर्षअघि मिर्गौला प्रत्यारोपण गरिएको थियो ।

थप समाचार

पूर्वराष्ट्रपति भण्डारीलाई विमानस्थलमै ५१ किलोको माला

प्रधानमन्त्रीलाई बालेनको आग्रहः लिपुलेक हाम्रो हो भनेर चीनलाई सम्झाउन नबिर्सनुहोस्

रोहितको उत्कृष्ट शतकमा साउथ अष्ट्रेलियामाथि नेपालको जित

आन्दोलनरत उखु किसानले भदौ २५ गतेदेखि अनिश्चितकालिन राजमार्ग बन्द गर्ने

सुनको मूल्यमा रेकर्ड : तोलाकै २ लाख नाघ्यो

प्रचण्डले देशलाई संकटमा हालेका थिए, ओलीले सुधारेः शंकर पोखरेल