कहिले पुरिएलान उपत्यकाका खाल्डाखुल्डी

खाल्डो भन्नासाथ तपाईलाई सडकको अवस्थाको याद आउन सक्छ । अझ भनौँ काठमाडांै उपत्यकाका सडक सम्झिनुहुन्छ होला । हो, संघीय राजधानी काठमाडांै रहेको उपत्यकाभित्रका सडक अस्तव्यस्त छन् । वर्षायाममा सडकमा हिँड्दा कतिबेला खाल्डोमा परिन्छ भन्ने त्रास छ । वर्षौँदेखिको यो समस्या अझै उस्तै छ । नेकपा अध्यक्ष केपी ओली प्रधानमन्त्री भएपछि काठमाडांैका सडक अस्तव्यस्त भएकै कारण बढि आलोचना खेप्नुपर्यो । त्यतिमात्रै होइन भौतिक पूर्वाधार तथा यातायात व्यवस्था मन्त्री बनेपछि रघुवीर महासेठले बारम्बार सामना गर्नुपरेको प्रश्न हो–सडकका खाल्डा कहिले पुरिन्छन् । उनले हरेक पटक जवाफ पनि दिए । तर उनले दिएको जवाफ, अझ भनौँ सडकका खाल्डा पुर्ने मिति जतिपटक तय गरे ति सबै मितिमा कुनै उपलब्धि भएन । काठमाण्डौ उपत्यकाका अधिकाशं सडकको विशेषत भनेकै घाम लाग्दा धुलो उँड्ने र पानी पर्दा हिलो । पैदल यात्रुका लागि त काठमाडौंका सडक कहिल्यै समाधान नहुने यातना स्थलझैं बनेको छ । विकराल समस्या हुँदा पनि सम्बन्धित निकायले कुनै चासो नदिएको सर्वसाधारणको गुनासो छ । आठ मिटरभन्दा साना सडक महानगरपालिकाको मातहतमा पर्छन् । आठ मिटर भन्दा माथिका सडक खण्ड भौतिक पूर्वाधार तथा यातायात मन्त्रालयको मातहत पर्दछ । तर जुन सडक खण्ड हेरेपनि खाल्डा खुल्डी, धुलो र हिलो मात्र देखिन्छ । न महानगरले जिम्मेवारी पूरा गर्यो, न सडक विभागले । समस्या एकातिर छ सरकारको दावी अर्कैतिर । अनौठो त के भने भौतिक पूर्वाधार तथा यातायात मन्त्रालयका प्रवक्ता राजेश्वर ज्ञवालीले त सडकमा समस्या नै नभएको दावी गरे । सायद मन्त्रालयका प्रवक्ता ज्ञवालीज्यू काठमाण्डौका यि सडकमा पुग्नुभएकै छैन होला । तर ज्ञवालीलाई जानकारी होस््, यस्ता सडकले सवारी साधन, चालक, पैदलयात्रु र सर्वसाधारण सबै हैरान छन् । प्रवक्ताज्यू, तपाई नपुगे पनि हामीले देखाएका यि दृश्य झुटो होइन । अब के गर्ने ?

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने