हतियार बिसाए मात्रै बिप्लवसँग वार्ता,नेकपाले भन्यो प्रतिरोध गर्न तयार छौं

काठमाडौं ७ चैत । सरकारले नेत्रबिक्रम चन्द बिप्लव नेतृत्वको नेकपाले हतियार बिसाएमात्रै वार्ता गर्ने जनाएको छ । अहिलेको संविधानलाई स्वीकार गरी हतियार त्याग्नुपर्ने सरकारले बताएको हो ।
हिंसात्मक गतिविधि गरेको भन्दै सरकारले २८ फागुनमा विप्लव समूहमाथि प्रतिबन्ध लगाउने निर्णय गरेको थियो । मन्त्रिपरिषद्का निर्णयहरु सार्वजनिक गर्न बिहीबार आयोजित पत्रकार सरकारका प्रवक्ता एवं सञ्चारमन्त्री गोकुल बास्कोटाले संवादका निम्ति हामी तयार रहेको भन्दै हत्या हिंसाको राजनीति त्याग्न आग्रह गरे । उनले कुनै असन्तुष्टि छ भने शान्तिपूर्ण राजनीति र वार्ताबाट सम्बोधन गर्न सकिने बताए । मन्त्री बास्कोटाले राजनीतिक मैदान खाली भएको भन्दै त्यसमा कुनै रोकतोक नभएको जिकिर गरे । उता नेपाल कम्युनिष्ट पार्टी विप्लव समूहका स्थायी समिती सदस्य हेमन्त प्रकाश ओलीले मंगलबार साँझ काभ्रेको रोशी गाउँपालिकास्थित काफलडाँडामा आफ्नो तर्फबाट गोली नचलेको दावी गरेका छन् । बिहीबार एक विज्ञप्ती जारी गर्दै ओलीले प्रहरीले भनेजस्तो आफ्ना कार्यकर्ताले पहिले नै गोली चलाएको र प्रहरीले जवाफी फायरीङ्ग गरेको कुरा असत्य भएको दाबी गरेका छन् ।

बिज्ञप्तीमा निःशस्त्र अभियानकर्मीले पहिले नै गोली चलाएकाले प्रहरीले जवाफी गोली चलाएको बकवास गरिएको भन्दै झुट्टा बकवास जनयुद्धाकमा लगाइएको सङ्कटकाललाई स्मरण गराएको उल्लेख गरिएको छ । प्रहरी तथा कुनै पनि सुरक्षा निकायमाथि आक्रण गर्ने नेपाल कम्युनिष्ट पार्टीको नीति नरहेको उल्लेख गरिएको छ । उनले दलाल पुँजिवाद विरुद्ध हाम्रो आन्दोलन चलिरहेको अवस्थामा प्रहरी आफैँले एकतर्फी गोली चलाएर जवाफी कारवाही गरेर बकवास गरेको दाबी गरेका छन् । प्रहरीले गोली प्रहार गरेर चार जना नेपाल कम्युनिष्ट पार्टीका कार्यकर्तालाई नियन्त्रणमा लिएको थियो । मंगलबार साँझ रोशी गाउँपालिकाको काफलडाँडाबाट झापा स्थायी घर भएका शिव धिमाल र सिन्धुपाल्चोकका विशाल तामाङ, भोजपुरका डिकेन्द्र राई र दाङका नुम बहादुर विकलाई नियन्त्रणमा लिएको थियो । आफूहरुले शान्तिपूर्ण संघर्ष गरिरहेका बेला सरकारले जिस्कियाइरहेको आरोप बिप्लव समुहले लगाएको छ । सरकारले आफना कार्यकर्ता पक्राउ गर्न लागिएको भन्दै त्यसको प्रतिरोध गर्ने समेत चेतावनी बिप्लव समूहले दिएको छ ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने