बिप्लवका १७ कार्यकर्ता पक्राउ

काठमाडौं ४ चैत । सरकारले नेत्रविक्रम चन्द नेतृत्वको नेकपा समूहमाथि प्रतिबन्ध लगाउने निर्णयसँगै १७ जना नेता तथा कार्यकर्ता पक्राउ परेका छन् । नेपाल प्रहरीको विशेष ब्युरोले विभिन्न टोलीको सहयोगमा १७ जनालाई पक्राउ गरी हिरासतमा राखिएको छ । अधिकांशलाई काठमाडौं प्रहरी परिसर, टेकुको हिरासतमा राखिएको छ । ती अधिकारीका अनुसार पक्राउ पर्ने सबैभन्दा उच्च तहका नेता विप्लव समूहका पोलिब्युरो सदस्य मोहन कार्की छन् । पक्राउ पर्नेमा जनवर्गीय संगठन किसान महासंघका अध्यक्ष राजु कार्की, विप्लवका पूर्वअंगरक्षक सूर्य भुजेल, नेता जयराम दंगाल, केदार खतिवडा, अर्जुन केसी र अर्जुन गोतामे रहेका छन् । त्यस्तै, रविन केसी, वीरेन्द्र नेपाली, विपीन लामा, नविन विष्ट, विमला भण्डारी, गौरी धामी, रुकमिणी पुडासैनी, उषा भुजेल, रामकुमार अधिकारी र ज्ञानेन्द्र बुढाथोकी पनि छन् । पक्राउ परेकालाई प्रहरीले फौजदारी संहितामा रहेको व्यवस्था अनुरुप बम विस्फोट, हातहतियार तथा खरखजना र ज्यान मुद्दा चलाएको छ । एनसेल बिष्फोट गराइएकै दिन कमलपोखरीस्थित आँगन रेस्टुरेन्टमा भेटिएको बमबारे अनुसन्धान गर्ने क्रममा किसान महासंघका कार्कीको संलग्नता देखिएको प्रहरीको भनाई छ । प्रहरीले अन्य स्थानमा पनि बिप्लवका कार्यकर्ताको खोजी तिब्र बनाइएको छ ।

थप समाचार

पूर्वराष्ट्रपति भण्डारीलाई विमानस्थलमै ५१ किलोको माला

प्रधानमन्त्रीलाई बालेनको आग्रहः लिपुलेक हाम्रो हो भनेर चीनलाई सम्झाउन नबिर्सनुहोस्

रोहितको उत्कृष्ट शतकमा साउथ अष्ट्रेलियामाथि नेपालको जित

आन्दोलनरत उखु किसानले भदौ २५ गतेदेखि अनिश्चितकालिन राजमार्ग बन्द गर्ने

सुनको मूल्यमा रेकर्ड : तोलाकै २ लाख नाघ्यो

प्रचण्डले देशलाई संकटमा हालेका थिए, ओलीले सुधारेः शंकर पोखरेल