ज्ञानेन्द्र शाहीलाई रविको आग्रहः सँगै कयौँ राजनीतिक सहकार्य गर्न बाँकी नै छ

खोज पत्रिका शुक्रबार, २०८२ चैत्र २७, १५ :५४ बजे

काठमाडौं । राष्ट्रिय स्वतन्त्र पार्टीका सभापति रवि लामिछानेले आफूले राप्रपालाई धोखा नदिएको बताएका छन् ।

विहिबार राप्रपाका संसदीय दलको नेता ज्ञानेन्द्र शाहीले रास्वपा सभापति रवि लामिछानेसँग कुरा भएर आफूहरूले उपसभामुखमा उम्मेदवारी दिएको बताएका थिए ।

त्यसबारे सोधिएको प्रश्नमा उनले भने, ‘ज्ञानेन्द्रजी मेरो असाध्यै राम्रो साथी हो । उहाँ सधैँ साथी रहिरहनुहुन्छ । राजनीतिक सहकार्य हाम्रो कयौँ सहकार्य गर्न बाँकी नै छ । एउटा माघले कहाँ जाडो जान्छ?’

उनले उपसभामुखबारे राप्रपासहित सबै राजनीतिक संवादहरू हुने संवादलाई स्वाभाविक रुपमा लिनुपर्ने बताएका छन् ।

उनले थपे, ‘राजनीतिक संवादहरू त हुन्छन्, किन नहुनु ? अन्य सबै दलहरूसँग भएको हो। धोका भन्दा पनि कहिलेकाहीँ अन्तिम समयमा सही निर्णय गर्ने समय आउँदा अन्य फ्याक्टरहरूले पनि काम गर्छ, त्यस्तो केही होइन । सहकार्य गर्ने ठाउँ कति आउँछ नि ।’

क्याटेगोरी : जनगुनासो, देश/दुनियाँ, प्रमुख समाचार, राजनीति, विचार/लेख, समाचार, सामाजिक सञ्जाल