राष्ट्रिय योजना आयोगको उपाध्यक्षमा डा गुणाकर भट्ट नियुक्त

खोज पत्रिका मङ्लबार, २०८२ चैत्र २४, १४ :०३ बजे

काठमाडौँ । राष्ट्रिय योजना आयोगको उपाध्यक्षमा डा गुणाकर भट्ट नियुक्त भएका छन् । मंगलबार बसेको मन्त्रिपरिषद् बैठकले सो निर्णय गरेको हो ।

भट्टले नेपाल राष्ट्र बैंकका कार्यकारी निर्देशकबाट केही समय अघि मात्रै अवकाश लिएका थिए ।

उनको जन्म डोटीको शिखर नगरपालिका वडा नं. १ मा भएको हो । उनी २५ वर्ष देखि नेपाल राष्ट्र बैंकमा कार्यरत भएर अवकाशमा गएका थिए ।

राष्ट्र बैंक आर्थिक अनुसन्धान विभागको प्रमुखका रूपमा पनि काम गरेका उनले बैंक नियमन बिभाग, सुपरिवेक्षण विभाग, भुक्तानी प्रणाली विभाग र राष्ट्र ऋण व्यवस्थापन विभाग प्रमुख भएर काम गरेका थिए । उनले लामो समय बैंकको प्रवक्ताको जिम्मेवारी पनि सम्हाले ।

क्याटेगोरी : अर्थ, प्रमुख समाचार, राजनीति, विचार/लेख, समाचार, सामाजिक सञ्जाल