बालेनलाई बाबुरामको शुभकामनाः अब कसैको देवत्वकरण र दानवीकरण नगरौँ

खोज पत्रिका शुक्रबार, २०८२ चैत्र १३, ०८ :५५ बजे

काठमाडौँ । पूर्वप्रधानमन्त्री डा. बाबुराम भट्टराईले युवा र मधेसी मूलका पहिलो प्रधानमन्त्री बन्न लागेका युवा इन्जिनियर बालेन्द्र शाह (बालेन) लाई सफल कार्यकालको शुभकामना दिएका छन् ।

सामाजिक सञ्जाल फेसबुकमार्फत आफ्नो धारणा सार्वजनिक गर्दै भट्टराईले बालेनको काँधमा ऐतिहासिक कार्यभार आएको बताउँदै उनको नेतृत्वमा देशले नयाँ दिशा लिने विश्वास व्यक्त गरेका हुन् ।

लामो समयदेखि आन्तरिक रूपमा देशको अर्थ–राजनीति संरचनात्मक गत्यावरोधमा फसेको उल्लेख गर्दै भट्टराईले यसलाई चिरेर अघि बढ्न बालेनलाई सुझाव दिएका छन् ।

आन्तरिक अर्थतन्त्रको सुधार मात्र नभई बाह्य रूपमा तीव्र गतिमा बदलिँदै गएको भू–राजनीतिक अवस्थाका चुनौती र सम्भावनालाई कुशलतापूर्वक व्यवस्थापन गर्नुपर्ने दायित्व नयाँ प्रधानमन्त्रीको काँधमा रहेको उनले बताए । एक्काइसौं शताब्दीका देश र जनताका आधुनिक आकांक्षाहरू पूरा गर्ने दिशामा नयाँ नेतृत्व सफल हुने भट्टराईको अपेक्षा छ ।

नेपाली राजनीति लामो र कष्टसाध्य लोकतान्त्रीकरणको प्रक्रिया पार गर्दै अब सुशासन र समावेशी समृद्धीकरणको नयाँ चरणमा प्रवेश गरेको भट्टराईले उल्लेख गरे ।

क्याटेगोरी : जनगुनासो, देश/दुनियाँ, प्रमुख समाचार, राजनीति, विचार/लेख, समाचार