समानुपातिकमा पनि रास्वपा नै पहिलो दल, ५७ सिट जित्यो, अरू दलको कति ?

खोज पत्रिका बिहिबार, २०८२ फाल्गुन २८, २१ :१८ बजे

काठमाडौँ । निर्वाचन आयोगले फागुन २१ गते भएको प्रतिनिधिसभा निर्वाचनको अन्तिम परिणाम घोषणा गरेको छ । समानुपातिकतर्फ सबैभन्दा ठूलो दल रास्वपा बनेको छ ।

समानुपातिकमा कुल ११० सिट रहेकोमा राष्ट्रिय स्वतन्त्र पार्टीले ५७ सिट जितेको छ । यसैगरी नेपाली कांग्रेस २० सिट जिती दोस्रो दल बनेको छ ।

नेकपा एमालेले १६ सिट र नेपाली कम्युनिस्ट पार्टीले ९ सिट जितेका छन् । श्रम संस्कृति पार्टी र राष्ट्रिय प्रजातन्त्र पार्टीले ४–४ सिट जितेका छन् ।

विज्ञप्ति जारी गरी निर्वाचन आयोगले उक्त जानकारी दिएको हो । त्यस्तै समानुपातिक निर्वाचन प्रणालीतर्फ १,१२,८०, ६१७ मत खसेकोमा १,०८,३५,०२५ (९६.०५) मत सदर भएको थियो ।