रुकुमपश्चिम । रुकुमपश्चिमा चुनावी सरगर्मी बढेको छ । फागुन २१ गते हुने प्रतिनिधिसभा निर्वाचनका लागि राजनीतिक दलहरुले चुनावी अभियानलाई तिब्रता दिएका हुन । नेपाली काँग्रेस रुकुम पश्चिमले पनि चुनाव लक्षित अभियान सुरु गरेको छ ।
रुकुमपश्चिमको कांग्रेसबाट प्रत्यक्षतर्फ राजु केसी र समानुपातिकतर्फ मानबहादुर नेपाली उम्मेद्वार छन् । चुनावी अभियान अन्र्तगत पहिलो चरणमा नगरपालिका र गाउँपालिका स्तरका नेता तथा कार्यकर्ता बीचमा छलफल र भेटघाट चलिरहेको छ ।
माघ ६ गते उम्मेदवारी दर्तासँगै नेपाली काँग्रेस रुकुमले चुनावी अभियान सुरु भएको नेताहरुले बताएका छन् । फागुन ८ मुसिकोट नगरपालिका र ९ गते बाँफीकोट गाउँपालिका, १० गते त्रिवेणी गाउँपालिकामा चुनावी अभियान चलाइएको हो ।
सोमबार आठविसकोट नगरपालिकामा कार्यक्रमको आयोजना गरिएको थियो । अभियानमा जोडिएका नेपाली कांग्रेसका नेता तथा कार्यकर्ताले स्वच्छ छवि भएका उमेद्वारलाई मतदान गर्न आग्रह गरेका थिए ।
कार्यक्रममा सहभागिहरुले आफूहरुले द्धन्द्धको समयमा समेत कांग्रेसलाई साथ दिएको भन्दै रुख चिन्हमा नै मतदान गर्ने बताएका थिए ।
कांग्रेसले फागुन १३ गते सानीभेरी र फागुन १४ गते चौरजहारी नगरपालिकामा चुनावी अभियान चलाउने बताएको छ । त्यसपछि वडा र घरदैलो कार्यक्रमको अभियान चलाइने कार्यतालिका छ ।
क्याटेगोरी : जनगुनासो, प्रमुख समाचार, राजनीति, समाचार, सामाजिक सञ्जाल
थप समाचार
ताजा खबर
त्रिपुरादेवी मिडिया नेटवर्क प्रा.लि.
सूचना विभाग दर्ता नं.: १८७८/२०७६-०७७
सम्पादकः बालकृष्ण शर्मा
सह–सम्पादकः दिपक अर्याल
इमेलः khojpatrika7@gmail.com
सम्पर्क नम्बरः ९८५११५११८६ /९८५१२११९१५
ठेगाना: किर्तिपुर,काठमाडौं
तपाईको कमेन्ट लेख्नुहोस्