‘निर्वाचनमा एक थोपो रगत बग्नु भएन, कोही घाइते हुनु भएनः प्रधानमन्त्री

खोज पत्रिका शुक्रबार, २०८२ माघ ९, २२ :३० बजे

काठमाडौं । प्रधानमन्त्री सुशीला कार्कीले मुलुकमा दिगो स्थायित्व कायम गर्न सरकारले सम्पूर्ण शक्ति लगाएको बताएकी छन् । शुक्रबार सशस्त्र प्रहरी बलको २५ औँ सशस्त्र प्रहरी दिवसको अवसरमा आयोजित कार्यक्रमलाई सम्बोधन गर्दै उनले यस्तो बताएकी हुन् ।

उनले सुरक्षा चुनौतिहरू समयानुसार परिवर्तन भइरहेको बताइन् । प्रधानमन्त्री कार्कीले विगतका निर्वाचनहरूलाई स्वतन्त्र, निष्पक्ष र भयरहित वातावरणमा सम्पन्न गर्न सशस्त्र प्रहरी बलले खेलेको भूमिका प्रशंसनीय रहेकाले आसन्न प्रतिनिधि सभाको निर्वाचनलाई लक्षित गर्दै सम्भावित सुरक्षा चुनौतिहरूको सुक्ष्म अध्ययन गरी उच्च शतर्कता र व्यवसायिकताका साथ कार्य सम्पादन गर्न निर्देशन दिइन् ।

निर्वाचनका लागि सबै सुरक्षा अंग परिचालनको निर्णय पनि गरिसकेको उनले बताइन् । निर्वाचनमा एक थोपा पनि रगत बग्नु नहुने र कोही पनि घाइते हुन नहुने भन्दै त्यसैअनुसार सुरक्षा व्यवस्थापन गर्न निर्देशन दिइन् ।

उनले भनिन्, ‘आसन्न प्रतिनिधि सभाको निर्वाचनलाई लक्षित गर्दै सम्भावित सुरक्षा चुनौतिहरूको सुक्ष्म अध्ययन गरी उच्च सतर्कता र व्यवसायिकताका साथ कार्य सम्पादन गर्न म यहाँहरूलाई निर्देशन दिन चाहन्छु। वर्तमान संक्रमणकाल अन्त्य गरी मुलुकमा दिगो स्थायित्व कायम गर्न सरकारले सम्पूर्ण शक्ति लगाएको छ। सबै सुरक्षा अंग परिचालनको निर्णय पनि गरिसकेको छ। निर्वाचनमा एक थोपा पनि रगत बग्नु हुँदैन, कोही पनि घाइते हुनु हुँदैन ।’

क्याटेगोरी : जनगुनासो, प्रमुख समाचार, राजनीति, समाचार