गगनलाई गाली गर्दै एमाले प्रबेशपछि सुनसरी ४ मा टिकट लिएका हुसेनको उम्मेदवारी रद्द

खोज पत्रिका मङ्लबार, २०८२ माघ ६, ०९ :५५ बजे

काठमाडौं । नेकपा एमालेले नेपाली कांग्रेस परित्याग गरेलगत्तै सुनसरी ४ बाट उम्मेदवार बनाएको अबुल हुसेन अन्सारीको उम्मेदवारी रद्द गरेको छ ।

जिल्ला अध्यक्ष पर्शुराम यादवका अनुसार पार्टी अध्यक्ष केपी शर्मा ओलीले अन्सारीलाई दिइएको टिकट रद्द गरेको जानकारी निर्वाचन आयोगमा पठाइने बताएका छन् ।

‘उहाँले हामीलाई फोन गरेर कुसियैत कमरेडले ४ मै उठ्ने र अर्को टिकट रद्द गरिदिन्छु भन्नुभयो’, ओलीसँगको फोन वार्ता सुनाउँदै यादवले भने ।

अन्सारीले आइतबार अध्यक्ष ओलीबाट खादा एमाले प्रवेश गरेलगत्तै चुनावको टिकट पाएका थिए । २०७० को दोस्रो संविधानसभा निर्वाचनमा तमलोपाबाट उम्मेदवार हुँदा २४६ मत पाएका उनी पछिल्लो समय नेपाली कांग्रेसमा आवद्ध थिए ।

एमालेले सुनसरी ४ को उम्मेदवारी सच्याएसँगै अब त्यहाँ कुसियैतको प्रतिस्पर्धा नेपाली कांग्रेसका उम्मेदवार एवं पूर्वमन्त्री ज्ञानेन्द्रबहादुर कार्कीसँग हुने भएको छ ।

२०७९ को प्रतिनिधिसभा सदस्य निर्वाचनमा कांग्रेस माओवादी सहितको गठबन्धनमा सामेल हुँदा कार्कीले ११२ मतले मात्र कुसियैतलाई हराएका थिए ।

क्याटेगोरी : जनगुनासो, प्रमुख समाचार, राजनीति, विचार/लेख, समाचार, सामाजिक सञ्जाल