मन्त्रीबाट राजीनामा दिदैं सरकारबाट बाहिरिए कुलमान घिसिङ,चुनाव लड्ने तयारी

खोज पत्रिका बुधबार, २०८२ पुस २३, २१ :४२ बजे

काठमाडौं । ऊर्जामन्त्री कुलमान घिसिङले पदबाट राजीनामा दिएका छन् । बुधबार राति मन्त्रालयमा पत्रकार सम्मेलन गर्दै कुलमान घिसिङले मन्त्रीबाट राजीनामा दिदैं प्रधानमन्त्री सुशीला कार्कीसमक्ष राजीनामा बुझाएका हुन ।

प्रधानमन्त्री सुशीला कार्कीले मन्त्रीपरिषद वैठकमा राजनीतिक दलमा जोडिएका मन्त्रीहरुलाई मार्गप्रशस्त गर्न आग्रह गरेकी थिइन् । घिसिङ रास्वपामा औपचारिकरूपले जोडिएपछि राजीनामा दिने सोचमा थिए ।

रास्वपाको उपसभापति बन्ने सहमति भएको छ । त्यसको कार्यान्वयन नभएको भन्दै घिसिङले मन्त्री पद छोडेका थिएनन् । तर, उनले आफू कुनै पनि पार्टीको सदस्य नभएको बताएपछि चौतर्फी आलोचना हुँदै आएको छ ।

घिसिङ रास्वपाबाट फागुन २१ गतेको आमनिर्वाचनमा भाग लिने योजनामा छन् । काठमाडौं ३ बाट उम्मेदवारी दिने उनको तयारी छ । जेनजी आन्दोलनको बलमा गठन भएको नागरिक सरकारमा घिसिङ भदौ ३० गते मन्त्री नियुक्त भएका थिए ।

अन्तरिम सरकारकी प्रधानमन्त्री सुशीला कार्कीले घिसिङलाई ऊर्जा, जलस्रोत तथा सिंचाइ, भौतिक पूर्वाधार तथा यातायात र शहरी विकास मन्त्रालयको जिम्मेवारी दिएकी थिइन् ।

विद्युत प्राधिकरणको प्रमुख कार्यकारी निर्देशक हुँदै मन्त्री घिसिङले आफ्नै संरक्षकत्वमा उज्यालो नेपाल पार्टी दर्ता गराएका घिसिङले १४ पुसमा राष्ट्रिय स्वतन्त्र पार्टीसँग उपसभापतिको सहमति गरी एकता गरेका थिए ।

क्याटेगोरी : जनगुनासो, जीवनशैली, देश/दुनियाँ, प्रमुख समाचार, राजनीति, विचार/लेख, समाचार