निर्वाचन आयोगमै जेनजीको प्रदर्शन, प्रधानमन्त्रीको राजीनामा माग

खोज पत्रिका सोमवार, २०८२ पुस १४, २१ :४० बजे

काठमाडौं । निर्वाचन धोका हो भन्दै निर्वाचन आयोगभित्रै जेनजीका केही समूहले प्रदर्शन गरेका छन् । जेनजीको माग पूरा नभए निर्वाचन चुनाव हुन नदिने चेतावनी दिँदै निर्वाचन आयोगमा जेनजीहरूले प्रदर्शन गरेका हुन् ।

जेनजीको माग पूरा गर्न माग गर्दै युवाहरुले प्रधानमन्त्री सुशीला कार्कीको राजीनामा माग गरे । उनीहरुले निर्वाचन धोका हो भन्दै नाराबाजी गरिरहेका छन् ।

निर्वाचन प्रक्रिया बन्द गर्न माग गर्दै युवाहरुले ‘निकास अनि निर्वाचन’ भन्दै नाराबाजी गरिरहेका छन् । जेनजी हत्याराहरुलाई कारबाहीको माग गर्दै उनीहरुले निर्वाचन बहिष्कार गर्ने बताएका छन् ।

आयोग परिसरभित्रै प्रदर्शन गरेपछि प्रहरीले उनीहरुलाई बाहिर निकालेको थियो ।

क्याटेगोरी : जनगुनासो, प्रमुख समाचार, राजनीति, समाचार, सामाजिक सञ्जाल