एमालेकै लाइनमा काँग्रेस : प्रतिनिधिसभा बिउताउन सर्वोच्च अदालतमा

खोज पत्रिका आइतवार, २०८२ मंसिर २१, २१ :५९ बजे

काठमाडौँ । प्रतिनिधिसभा विघटन अवैधानिक भएको भन्दै पुनःस्थापनाको माग लिएर नेपाली कांग्रेस पनि सर्वोच्च अदालतमा गएको छ ।

कांग्रेसका तर्फबाट रिट दर्तालगायतको कानूनी संयोजन पूर्व महान्यायाधिवक्ता खम्म खातीलाई दिइएको तत्कालीन प्रमुख सचेतक श्याम घिमिरेले बताएका छन् ।

एमाले अध्यक्ष केपी शर्मा ओली बूढानीलकण्ठ पुगी सभापति शेरबहादुर देउवासँग भेटवार्ता गरेपछि कांग्रेस पनि एमालेकै लाइनमा उभिएको हो । सोही बमोजिम काँग्रेसले पनि पुनःस्थापनाको मुद्दा सर्वोच्च अदालतमा लगेको हो ।

कांग्रेसका तर्फबाट विघटित प्रतिनिधिसभाका संसदीय दलका प्रमुख सचेतक घिमिरे र सचेतक सुशीला थिङसहित ८ जना सांसद निवेदक बनेर रिट गएको हो। दर्ताका लागि सोमवार मात्र समय दिएको खातीले बताए ।

क्याटेगोरी : जनगुनासो, प्रमुख समाचार, राजनीति, विचार/लेख, समाचार