रोहितको उत्कृष्ट शतकमा साउथ अष्ट्रेलियामाथि नेपालको जित

खोज पत्रिका शनिबार, २०८२ भदौ १४, १४ :३० बजे

काठमाडौं । अष्ट्रेलिया भ्रमणमा रहेको नेपाली राष्ट्रिय क्रिकेट टीमले एक दिवसीय अभ्यास म्याचमा साउथ अष्ट्रेलियालाई हराएको छ ।

नेपाललाई २ विकेटको रोमाञ्चक जित दिलाउन कप्तान रोहित पौडेलले उत्कृष्ट शतक प्रहार गरे । साउथ अष्ट्रेलियाले दिएको २४३ रनको लक्ष्य नेपालले दुई विकेट र ५ बल बाँकी छँदा भेट्यो ।

१० औ नम्बरमा आएका सोमपाल कामीले रोहितलाई साथ दिँदै अविजित ३८ रन जोडे । रोहित १०१ रनमा नटआउट रहे । नेपालले १६० रनमा ८ विकेट गुमाएको स्थितिबाट उकास्दै रोहित र नेपाललाई लक्ष्यसम्म पुर्याएका थिए ।

साउथ अष्ट्रेलियाले पहिले ब्याटिङ गर्दै निर्धारित ४५ ओेभरमा २४२ रन बनाएको थियो । नेपालका नन्दन यादव र सोमपाल कामीले ३-३ विकेट लिए ।

क्याटेगोरी : खेलकुद, देश/दुनियाँ, प्रमुख समाचार, राजनीति, समाचार