एक दिनको मात्रै एआईजीमा किरण राणा, मध्यरातमा लगाइयो फुली

खोज पत्रिका बुधबार, २०८१ कार्तिक १४, १४ :३२ बजे

काठमाडौं । सरकारले मंगलबार साँझमात्रै एआईजीमा बढुवा गरेका दुई प्रहरी अधिकृतलाई मध्यरातमै दर्ज्यानी चिन्ह प्रदान गरिएको छ ।

मंगलबार साँझको क्याविनेटले डीआईजी किरण राणा र सुन्दरप्रसाद हैजुलाई बढुवा गर्ने निर्णय गरेको थियो । उनीहरू दुवैजनालाई आईजीपी वसन्त बहादुर कुँवरले मंगलबार राति नै प्रहरी प्रधान कार्यालयमा एक समारोहबीच दर्ज्यानी चिन्ह लगाइदिएका हुन् ।

एआईजी राणा आज एक दिनमात्रै जिम्मेवारी सम्हालेर आजै रातिबाट अवकाशमा जाँदै छिन् ।

सिनियरद्वय डीआईजी बुद्धिराज गुरुङ र दुर्गा सिंहलाई बाइपास गर्दै अवकाशको संघारमा पुगेकी जुनियर राणालाई बढुवा गरेको भन्दै गृहमन्त्री र सरकारको आलोचना भइरहेको छ ।