बजारमा सुरु भयो फेरि कालोबजारी, सर्वसाधारणको चुल्हो बाल्न नै धौ धौ !

काठमाडौं । सर्वसाधारणको चुल्हो बाल्न नै धौ धौ भएको छ । बर्षा सुरु भएको बाहनामा बजार निक्कै महंगो छ । तरकारी बजारमा पुग्यो मुल्य सोध्दा नै तर्सिनुपर्ने अवस्था छ । मनपरी मूल्य गर्दा समेत सरोकारवाला निकाय नै चुप मै चुप छन् । जनताका लागि राजनीति गर्छु भन्ने हवाला दिने निकाय संयन्त्र सबैले कानमा तेल हालेर बसेका छन् भन्दा फरक पर्दैन । तर, उपभोक्ता अधिकारकर्मीहरुले दैनिक उपभोग्य वस्तुको बिक्री वितरणमा उपभोक्ताहरुमाथि ठगी भइरहेको भन्दै सरोकारवाला निकायको ध्यानाकर्षण गराएका छन् ।

राष्ट्रिय सभा अन्तर्गतको संघीयता सबलीकरण तथा राष्ट्रिय सरोकार समितिको बैठकमा उपभोक्ता अधिकारकर्मीहरुले दैनिक उपभोग्य वस्तुको बिक्री वितरणमा उपभोक्ताहरु चरम ठगीमा पर्दै आएका बताएका हुन् । उपभोक्ता जागरण अभियान नेपालका अध्यक्ष कृष्णप्रसाद भण्डारीले नेपालको बजारको अवस्था डरलाग्दो भएको भन्दै सरकारको ध्यानाकर्षण गराएका छन् । उनीहरुले बजार अनुगमन प्रभावकारी रुपमा गर्न नसक्दा अखाद्य वस्तुहरु उपभोक्ताको चुल्होसम्म पुग्ने अवस्था रहेको भन्दै बजार अनुगमनलाई प्रभावकारी बनाउन माग गरे ।

बैठकमा सुशासन महासंघ नेपालका अध्यक्ष ओम लामिछानेले स्थानीय निकायहरुले अनुगमन गर्नुपर्ने सुझाव दिएका छन् । बजार अनुगमन गर्ने कर्मचारी बढाउनुपर्ने उनको भनाई छ । बैठकमा विश्व उपभोक्ता महासंघ नेपालका अध्यक्ष तारा कार्कीले शक्तिको पहुँचका कारण बजार स्वच्छ हुन नसकेको गुनासो गर्छन् । वाणिज्य विभागले बजार अनुगमन गरेर दोषिलाई कारबाही गर्न खोजेपनि राज्यको माथिल्लो निकायबाट संरक्षण हुने गरेको छ । सिमेन्ट, काँटाकिला लगायतका निर्माणका सामग्रीमा सबैभन्दा बढी भ्रष्टाचार हुने गरेको आशंका छ ।

राष्ट्रिय उपभोक्ता मञ्चका अध्यक्ष प्रेमलाल महर्जन भारतको भन्सार बिन्दुबाट नआउने खाद्य सामग्रीहरु गैरकानूनी बाटोबाट आउने गरेको बताउछन् । उनका अनुसार गैरभन्सारबाट आउने सामग्रीहरुको मूल्यमा एकरुपता नहुने र मिसावट हुने हुँदा उपभोक्ताहरु ठगिएका छन् । उपभोक्ता हित संरक्षण मञ्च नेपालकि सचिव कुमारी खरेलले राज्यको संयन्त्रहरु सही रुपमा नचलेका कारणले बजार व्यवस्थित हुन नसकेको बताउछिन् ।

राज्यका निकायहरुका बीचमा समन्वय हुन नसक्दा पनि उपभोक्ता मारमा परेका उनको भनाई छ । बजार महंगिएको छ । चुल्हो बाल्न समस्या छ । तर, सरकार फेरबदल, अनेक गुनासा आउँदा पनि चासो कसैको छैन् । जहाँ सर्वसाधारण मारमा परेका छन् त्यहाँ राज्यका संयन्त्र पुग्दै पुग्दैनन् बरु बिचौलियासँग मिलेर लुट्ने काम गर्छन् भन्दा फरक पर्दैन । चाडपर्व नजिकिदै गर्दा चनाखो हुने होइन भने अझै जनताले महंगी खेप्नुपर्ने बाध्यता छ ।

थप समाचार

सर्वोच्चको आदेश शिक्षक नेताहरूको हठका विरुद्धमा होः शंकर पोखरेल

भूकम्पीय जोखिमबाट बच्न चेतना फैलाउन आवश्यक छः राष्ट्रपति

आजदेखि बजेट अधिवेशन, प्रधानमन्त्रीले सम्बोधन गर्ने

आज भूकम्प स्मृति दिवस मनाइँदै

विद्या भट्टराईले दिइन् शिक्षा मन्त्रीलाई बधाई, प्रधानमन्त्रीलाई धन्यवाद

कक्षा १२ को वार्षिक परीक्षा नसर्ने