कांग्रेस राष्ट्रियसभाको प्रमुख सचेतकमा कृष्णबहादुर रोकाय मनोनीत

खोज पत्रिका सोमवार, २०८० चैत्र १२, १५ :२४ बजे

काठमाडौँ । प्रमुख प्रतिपक्षी नेपाली कांग्रेसले राष्ट्रिय सभाको प्रमुख सचेतकमा कृष्णबहादुर रोकायालाई मनोनीत गरेको छ।

कांग्रेस संसदीय दलका नेता एवम् सभापति शेरबहादुर देउवाले राष्ट्रिय सभाको प्रमुख सचेतकमा सांसद रोकायालाई मनोनित गरेका हुन्।

नेपाली कांग्रेस संसदीय दल राष्ट्रियसभाको प्रमुख सचेतकमा राष्ट्रियसभा सदस्य कष्णबहादुर रोकाय ज्यू मनोनीत हुनुभएको छ’, विज्ञप्तिमा भनिएको छ ।

माघ ११ गते सम्पन्न राष्ट्रियसभा सदस्य निर्वाचनमा रोकाय कर्णाली प्रदेशबाट निर्वाचित भएका थिए । उनी हाल कर्णाली प्रदेशको महामन्त्री र नेपाल विद्यार्थी संघ रुकुमका संस्थापक अध्यक्ष हुन् ।