हुम्ला र डोल्पामा आगामी बर्ष सडक पुगोसः सांसद रोकाय (भिडियोसहित)

खोज पत्रिका शनिबार, २०८० चैत्र ३, ०३ :३६ बजे

काठमाडौं । राष्ट्रिय सभाका सांसद कृष्णबहादुर रोकायले कर्णाली प्रदेशका हुम्ला र डोल्पामा यसै बर्ष सडक पुर्याउने गरी बजेट बिनियोजन गर्न माग गरेका छन् ।

विनियोजन विधेयकका सिद्धान्त र प्राथमिकतामाथिको छलफलमा भाग लिर्दै सांसद रोकायले सडक सञ्जाल जोड्नका लागि प्रयाप्त बजेटको ब्यवस्था गर्न माग गरेका हुन् । उनले आगामी आर्थिक बर्षमा सडक विस्तारका लागि सरकारले बजेट ल्याउनुपर्ने बताए ।

उनले सरकारले आयोजना छनोट गर्ने तर, बजेट प्रस्ताव नगर्ने प्रबृत्तिका कारण निर्धारित समयमा काम सम्पन्न नहुने समस्या बढेको बताए । सांसद रोकायले युवा जनशक्ति बैदेशिक रोजगारमा होमिनुपर्ने अवस्था छ जसलाई रोक्न बजेट विनियोजन गर्न सुझाव दिए ।

हरेक संरचनामा मितब्ययिता सुशासन र पारदर्शिता विनियोजन बिधेयकमा समेटेकोले प्रभावकारी बन्ने सांसद रोकायको भनाई छ । निवर्तमान अर्थमन्त्री डाक्टर प्रकाशशरण महतले ल्याएको विनियोजन विधेयकमा समेटिएका राम्रा कामलाई वर्तमान अर्थमन्त्री बर्षमान पुनले प्राथमिकता दिन समेत सांसद रोकायले सुझाव दिएका थिए ।