किन पुगे काँग्रेस महामन्त्री विश्वप्रकाश शर्मा एमाले अध्यक्ष केपी ओली निवास बालकोट ?

खोज पत्रिका आइतवार, २०८० पुस १५, २२ :४८ बजे

काठमाडौँ । नेकपा एमालेका अध्यक्ष केपी शर्मा ओलीसँग नेपाली काँग्रेसका महामन्त्री विश्वप्रकाश शर्माले भेटवार्ता गरेका छन् । उनले बालकोटस्थित निवासमै पुगेर ओलीलाई भेटेको सामाजिक सञ्जालमार्फत जानकारी दिएका छन् ।

भेटका क्रममा उनीहरूबीच शान्तिप्रक्रियाका बाँकी विषयलाई टुंगो लगाउने लगायतका विषयमा छलफल भएको शर्माले उल्लेख गरेका छन् । उनले भिन्न पृष्ठभूमि र राजनीति आस्था भए पनि अबको सहकार्यले शान्तिप्रक्रियाका बाँकी काम पूरा हुने बताएका छन्।

‘भिन्न पृष्ठभूमि र भिन्न आस्था भएर पनि जब हामी ‘एक ठाउँमा’ उभिएका थियौं, तब सहकार्यको मार्गबाट देशले शान्ति र संविधान प्राप्त गरेको थियो’, शर्माले लेखेका छन्, ‘सहकार्यको अबको चरणले शान्तिप्रक्रियाका बाँकी कार्यभार पूरा गर्नु छ, संविधानप्रति अपनत्वको दायरा बढाउनु छ र समुन्नतिको यात्रामा गति बढाउनु छ।’

क्याटेगोरी : जीवनशैली, प्रमुख समाचार, राजनीति, विचार/लेख, समाचार