१९ वर्षपछि अध्यापन पेशामा फर्किए कांग्रेस नेता डा.मिनेन्द्र रिजाल

काठमाडौं । नेपाली कांग्रेसका केन्द्रीय सदस्य डा. मिनेन्द्र रिजाल अध्यापन पेशामा फर्किएका छन् । राजनीतिमा सक्रिय भएर फुर्सद नपाएपछि अध्यापन पेशा छोडेका उनी १९ वर्षपछि नियमित अध्यापन पेशामा फर्किएको जानकारी सामाजिक सञ्जालमार्फत गराएका हुन् ।

काठमाडौँको मध्यबानेश्वरमा रहेको एपेक्स कलेजमा बिहान ८ देखि १० बजेसम्म अध्यापन सुरु गरिएको उनले बताए । ‘सुखद अनुभव, १९ वर्ष पछि नियमित रूपमा पढाउन थालेँ । अब हरेक आइतबार बिहान ८ः१० बजे Apex College मा पढाउने छु,’ रिजालले उल्लेख गरेका छन् ।

रिजाल नेपाली कांग्रेसको १४ औँ महाधिवेशनमा महामन्त्रीमा पराजित भएका थिए । महामन्त्रीबाट पराजित भएपछि नैतिकता देखाउँदै रक्षामन्त्रीबाट राजीनामा दिएका थिए ।

उनलाई सभापति शेरबहादुर देउवाले केही साता अघिमात्र केन्द्रीय सदस्य मनोनीत गरेका हुन् ।

थप समाचार

रास्वपामा रवि लामिछानेकै नेतृत्व आवश्यक भएको रञ्जु न्यौपानेको दाबी

जेन–जी आन्दोलनसम्बन्धि मानव अधिकार आयोगको सिफारिस गैर संवैधानिक छः बार…

सरकारका नीति र निर्णय जनहितविपरीत रहेको प्रचण्डको आरोप

जग्गाको द्वेध स्वामित्व अन्त्य गर्न सरकार प्रतिवद्ध छः मन्त्री रावल

अदालतको फैसलालाई सरकारको ‘हार–जित’ का रूपमा बुझ्नु संकुचित मानसिकताः मुख्य…

व्यवसायीका सुझावअनुसार नीति सच्याउन तयार छौँः अर्थमन्त्री वाग्ले