एमाले महासचिव शंकर पोखरेल भन्छन् : पूर्वलडाकुको नाममा माओवादीले देश लुट्यो !

खोज पत्रिका शुक्रबार, २०८० जेष्ठ ५, ११ :०० बजे

काठमाडौं । नेकपा एमालेका महासचिव शंकर पोखरेलले पूर्वलडाकुको नाममा माओवादीले राज्यमाथि लुट मच्चाएको आरोप लगाएका छन् ।

बिहीबार प्रतिनिधिसभामा माओवादी अध्यक्ष समेत रहेका प्रधानमन्त्री पुष्पकमल दाहाल ‘प्रचण्ड’ले लडाकु शिविरमा कुनै भ्रष्टाचार नभएको जिकिर गरेपछि पोखरेलले खुलेआम भएको लुट र डकैतीलाई भ्रष्टाचार नमानेको हो ? भनेर सोधेका छन् ।

सामाजिक सञ्जालमा महासचिव पोखरेलले लडाकुका नाममा राज्यले उपलब्ध गराएको सहयोग उनीहरुका कमाण्डरले लुटेको आरोप लगाएका छन् ।

वास्तविक ७–८ हजारको संख्यामा रहेका लडाकुलाई ३२–३३ हजार पु¥याएको कुरा प्रचण्ड आफैँले बोलेको अडियो सामाजिक सञ्जालमा सुरक्षित रहेको पोखरेलेको भनाइ छ ।