स्वतन्त्र सांसद अमरेशकुमार सिंह संसद बैठकमै अर्धनग्न ! मानसिक अस्पताल लैजान सांसदको सुझाव

खोज पत्रिका सोमवार, २०८० बैशाख २५, ११ :५६ बजे

काठमाडौं । स्वतन्त्र सांसद अमरेशकुमार सिंह संसद बैठकमै अर्धनग्न भएका छन् । सोमबार प्रतिनिधिसभाको बैठकमा सांसद सिंहले आकस्मिक समय माग गरेका थिए । तर, सभामुख देवराज घिमिरले समय नदिएपछि त्यसको विरोधमा उनले सर्ट र गञ्जी खोलेर विरोध जनाएका हुन ।

संसद बैठकमा सांसद अर्धनग्न भएपछि सभामुख देवराज घिमिरेले संसदीय मर्यादाको ख्याल गर्न पटक–पटक आग्रह गरेका थिए । सभामुखको चेतावनीपछि अमरेशले सट र गञ्जी लगाएका थिए ।

सांसद सिहंले बैठकमा उठेर कपडा खोलेपछि सभामुखले असभ्य व्यवहार नदेखाउन भन्दै प्रतिनिधि सभाको नियमावली अनुसार चेतावनी दिएपनि कारवाही भने गरेनन् ।

सांसद सिंहको सो गतिविधि देखेपछि सांसदलाई मानसिक अस्पताल लगेर उपचार गर्नुपर्ने माग गरेका छन् । उनीहरुले संसद बैठकमा यस्तो हर्कत नदेखाउन समेत चेतावनी दिएका छन् ।