४३ हजार मतले पछि पार्दै चितवन क्षेत्र नम्बर २ मा रवि लामिछाने विजयी

खोज पत्रिका मङ्लबार, २०८० बैशाख १२, १३ :०२ बजे

काठमाडौं । चितवन क्षेत्र नम्बर २ मा राष्ट्रिय स्वतन्त्र पार्टीका सभापति रवि लामिछाने ४३ हजार मतले पछि पार्दै विजयी भएका छन् । सभापति लामिछानेले ५४ हजार २ सय ७६ मत प्राप्त गरेर विजयी भएका छन् ।

उनका निकटतम् प्रतिस्पर्धी कांग्रेसका जीतनारायण श्रेष्ठले ११ हजार २ सय ५१ मत पाए । लामिछाने र श्रेष्ठको मतान्तर ४३ हजार २५ रहेको छ । एमाले उम्मेदवार रामप्रसाद न्यौपानेले १० हजार ९ सय ३५ मत पाएका छन्।

यसअघि कांग्रेसका उम्मेदवार उमेश श्रेष्ठले १४ हजार ९८८ र एमालेका कृष्णभक्त पोखरेलले १४ हजार ६५२ मत ल्याएका थिए । उनले यसअघि गत मंसिर ४ गते ४९ हजार ३०० मत पाएका थिए ।

चितवन २ मा १० गते भएको निर्वाचनमा ७८ हजार २ सय ७७ मत खसेको थियो ।