तनहुँ क्षेत्र नम्बर १ मा स्वर्णिम वाग्लेको मतान्तर ७ हजार नाघ्यो

खोज पत्रिका सोमवार, २०८० बैशाख ११, १७ :२४ बजे

काठमाडौं । तनहुँ–१ को उपनिर्वाचनको जारी मतगणनामा राष्ट्रिय स्वतन्त्र पार्टीका उम्मेदवार स्वर्णिम वाग्लेले ७ हजार भन्दा धेरै मतान्तरले अग्रता लिएका छन् ।

पछिल्लो सार्वजनिक मत परिणाम अनुसार ३५ हजार ३३ मतगणना हुँदा वाग्लेले १७ हजार ९ सय २ मत पाएका छन् । नेपाली कांग्रेसका गोविन्द भट्टराईले १० हजार २ सय २८ मत पाएका छन् ।

त्यस्तै नेकपा एमालेका सवेन्द्र खनालले ५ हजार ६६ मत पाएका छन् । आइतबार रातिदेखि भइरहेको मतगणनामा रास्वपा उम्मेदवार वाग्लेले सुरुवातदेखि नै अग्रता लिइरहेको निर्वाचन अधिकृतको कार्यालयले जनाएको छ ।