चितवन २ मा रवि लामिछानेले लिए अग्रता

खोज पत्रिका सोमवार, २०८० बैशाख ११, १५ :४६ बजे

काठमाडौं । चितवन २ को उपनिर्वाचनको मतपरिणाममा राष्ट्रिय स्वतन्त्र पार्टीका सभापति रवि लामिछानेले अग्रता लिएका छन् । इच्छाकामना गाउँपालिका वडा नं १ र ३ को गणना सकिँदा रविले ११ सय ५५ मत पाएका छन् ।

नेकपा एमालेका रामप्रसाद न्यौपानेले ६ सय ६५ र नेपाली कांग्रेसका जितनारायण श्रेष्ठले ५ सय ८८ मत पाएका निर्वाचन अधिकृतको कार्यालयले जानकारी दिएको छ ।

इच्छाकामना वडा नं १ को मात्र मत गणना हुँदा एमालेले अग्रता लिए पनि वडा नं ३ को गणना भएपछि रवि लामिछानेले अग्रता लिएका हुन् । यसअघि एमालेका न्यौपानेले अग्रता लिइरहेका थिए ।