पाकिस्तानः सिन्ध प्रान्तको बदिन जिल्लामा खानेपानीको चरम अभाव

सिन्ध  ।  पाकिस्तानको सिन्ध प्रान्तको बदिन जिल्लामा खानेपानी र कृषि पानीको चरम अभाव उत्पन्न भएको पाकिस्तानी स्थानीय सञ्चारमाध्यम दैनिक जसरतले उल्लेख गरेको छ। पानीको चरम अभाव भएपछि यस क्षेत्रका हजारौं एकड खेतीयोग्य जमिनमा अन्नबाली रोप्न नसकेको र लाखौं मानिस खानेपानीबाट वञ्चित छन् ।

बदिन जिल्लाका किसान नेताहरूले नहरहरूमा रेन्जरहरू नियुक्त गर्न आह्वान गरेका छन्। बदिन जिल्लामा पानी वितरणमा गम्भीर अनियमितता भएको र सिँचाइ अधिकृतले घुस लिएर नहरमा पानी आपूर्ति गरिरहेको उनीहरुको भनाइ रहेको दैनिक जसरतले जनाएको छ ।

सिन्ध सरकारले समस्या समाधान नगरे बदिन जिल्लाभर प्रदर्शन हुने स्थानीयले चेतावनी दिएका छन्। पाकिस्तानको बलुचिस्तान प्रान्तका प्रमुख क्षेत्रहरुमा पिउने पानीको तीव्र अभाव भोगिरहेका एक्सप्रेस ट्रिब्यूनले हालै रिपोर्ट गरेको छ ।

एक प्रतिवेदन अनुसार बलुचिस्तानका बासिन्दाहरूमध्ये २५ प्रतिशत मात्र सफा पिउने पानीको पहुँचमा रहेका छन्। खानेपानी उपलब्ध गराउनका लागि काम नलाग्ने वाटर फिल्ट्रेसन प्लान्टलाई पुनःस्थापना गर्न स्थानीयले सरकारसँग माग गरेका छन् ।

थप समाचार

अस्पतालमा पीडितको गुनासोः कि सास कि लास भेट्न पाए हुन्थ्यो,…

भोटेकोशी बाढीमा उद्धार र शव ब्यवस्थापनबारे सरकारमाथि प्रश्न, प्रधानमन्त्रीले दिए…

रूस–युक्रेन युद्धको प्रभावबीच जी–२० अर्थमन्त्रीहरूको बैठक सकियो

कांग्रेसमा संस्थापन इतर समूहको छुट्टै १५ औं महाधिवेशन, गगनको छुट्टै…

संसदमा बालेनः मन भक्कानिँदा पनि एकआपसमा बिलौना गर्ने समय छैन्

क्लिन अप नेपालको १३औँ साधारणसभा सकियो, पारदर्शिता र जवाफदेहितामा जोड