पाकिस्तानको खैबर पख्तुनख्वामा व्यापारी तथा स्थानीय नेता, कार्यकर्ताद्वारा विरोध प्रदर्शन

खैबर पख्तुनख्वा । पाकिस्तानको खैबर पख्तुनख्वाको तिरा उपत्यकामा धेरै सशस्त्र व्यक्तिहरूको प्रवेशको विरोधमा स्थानीय राजनीतिक नेता र व्यापारी समुदायले विरोध प्रदर्शन गरेका छन् । द न्यूज इन्टरनेशनल अनुसार सुरक्षाकर्मी र प्रहरीको उपस्थिति हुँदाहुँदै पनि दर्जनौं हतियारसहितको मानिसहरु गाउँमा पस्न थालेपछि स्थानीयवासीमा त्रास फैलिएको छ ।

त्यसैगरी तिराह व्यापारी संघका अध्यक्ष शेर मोहम्मद अफ्रिदी लगायतले तिरा उपत्यकाको शान्ति भंग गर्न कसैलाई पनि अनुमति नभएको बताएका छन् । बाग मैदानमा हतियारधारी व्यक्तिको आगमनप्रति चिन्ता व्यक्त गर्दै वक्ताहरूले हतियारधारीहरू निर्वाध रूपमा घुमफिर गरेपनि सरकारी निकायले सुरक्षाको नाममा स्थानीय जनतामाथि कडा प्रतिबन्ध लगाएको भन्दै गुनासो गरे ।

खैबर पख्तुनख्वाको कानून र शान्ति सुरक्षा व्यवस्था लामो समयदेखि बिग्रिँदै गएको छ। यसैबीच, आदिवासी क्षेत्रहरूमा आतंककारी हमलाहरू हुन थालेका छन् । पाकिस्तानमा आतङ्कवादले फेरि बढ्न थालेको छ । पछिल्ला केही महिनाहरूमा, देशमा विशेष गरी खैबर पख्तुनख्वा र बलुचिस्तानमा कानून र व्यवस्थाको अवस्था बिग्रिएको छ भने आतंकवादी समूहहरूले देशभर दण्डहीनताका साथ हमलाहरू सञ्चालन गरिरहेका छन् ।

थप समाचार

अस्पतालमा पीडितको गुनासोः कि सास कि लास भेट्न पाए हुन्थ्यो,…

भोटेकोशी बाढीमा उद्धार र शव ब्यवस्थापनबारे सरकारमाथि प्रश्न, प्रधानमन्त्रीले दिए…

रूस–युक्रेन युद्धको प्रभावबीच जी–२० अर्थमन्त्रीहरूको बैठक सकियो

कांग्रेसमा संस्थापन इतर समूहको छुट्टै १५ औं महाधिवेशन, गगनको छुट्टै…

संसदमा बालेनः मन भक्कानिँदा पनि एकआपसमा बिलौना गर्ने समय छैन्

क्लिन अप नेपालको १३औँ साधारणसभा सकियो, पारदर्शिता र जवाफदेहितामा जोड