क्यापिटल हिलमा भारतीय मूलका अमेरिकी महिला सम्मानित

वाशिंगटन । केही भारतीय मूलका अमेरिकी महिला सहित विभिन्न समुदायलाई प्रतिनिधित्व गर्ने २० भन्दा बढी प्रख्यात महिलाहरूलाई वाशिंगटनको युएस क्यापिटल हिलमा उत्कृष्ट महिला पुरस्कारले सम्मानित गरिएको छ । अमेरिकी बहुजातीय गठबन्धनले संयुक्त रूपमा आयोजना गरेको ११औँ वार्षिक कंग्रेस अन्तर्राष्ट्रिय महिला दिवस समारोहमा लामो समयदेखि अमेरिकी सांसद ड्यानी डेभिस, नागरिक अधिकार नेता रेभ।जेसी ज्याक्सनका छोरा कांग्रेस सदस्य जोनाथन ज्याक्सन, कांग्रेसकी डेलिया रामिरेज र भारतीय अमेरिकी कांग्रेस सदस्य राजा कृष्णमूर्तिले पुरस्कार प्रदान गरेका छन् ।

सम्मानित हुनेमा विभिन्न जातजातिका राजनीतिज्ञ, पत्रकार, सामाजिक कार्यकर्ता, व्यवसायी र शिक्षाविद्हरू रहेका छन् । सम्मानित हुनेले आफ्नो क्षेत्रमा नेतृत्व कौशल र लैङ्गिक समानताप्रति विशेष योगदान दिएका छन्। यस अवसरमा सम्मानित हुने महिलाहरुमा अमेरिकी राजनीतिज्ञ जेनिफर राजकुमार, नासा गोडार्ड इन्जिनियरिङ र टेक्नोलोजीका उपनिर्देशक डा जोआन, डा मर्सिडिज मार्टिनेज (शिकागोका मनोचिकित्सक) लगायत अन्य रहेका छन् ।

निर्णायक मण्डलबाट पनि सम्मानित नासाकी डा हिलले भनिन्, ‘यो अवार्ड पाउँदा निकै खुसी भएको छु र अन्तर्राष्ट्रिय महिला दिवसको अवसरमा विश्वका उत्कृष्ट २० उत्कृष्ट महिलामध्ये एकको रूपमा चिनिन पाउँदा निकै सम्मान भाव जागेको छ । अन्तराष्ट्रिय महिला दिवसको अवसरमा क्यापिटल हिलमा दोस्रो पटक कार्यक्रम आयोजना गरिएको हो ।

कार्यक्रममा न्युयोर्ककी ८ वर्षीया समारा करकराले शिक्षा र प्रविधिमा महिलाको नेतृत्वको विषयमा विशेष सम्बोधन गरेकी थिइन् । सम्लेलनमा सम्बोधन गर्ने उनी सबैभन्दा कान्छी भारतीय मूलकी अमेरिकी नागरिक हुन् । (एएनआई)

थप समाचार

मन्त्रालयमै जेन–जी कक्ष राखेर युवालाई रोजगारीको व्यवस्थापन गर्छौंः श्रममन्त्री भण्डारी

मुलुकमा नातावाद, कृपावाद र पक्षपातको अन्त्य हुनुपर्दछः प्रधानमन्त्री कार्की

सरकारले संघीय संसदलाई अदृश्य ढंगले बन्देज लगाउने प्रयास गरिरहेको छः…

प्रहरी महानिरीक्षक दानबहादुर कार्कीको गुनासोः ‘प्रहरीलाई चाहिँदाको भाँडो, नचाहिँदाको ठाँडो…

रुकुमपश्चिम कांग्रेसमा उम्मेद्वार सिफारिसमा किचलो, सहमति नै नभई कसरी बाहिरियो…

सुदूरपश्चिमलाई हराउँदै लुम्बिनीले जित्यो एनपीएल सिजन-२ को उपाधि