रवि लामिछानेले आज सिधा कुरा गर्दै, सबैलाई हेर्न र सुन्न अपिल

खोज पत्रिका आइतवार, २०७९ माघ २२, ११ :२५ बजे

काठमाडौं । राष्ट्रिय स्वतन्त्र पार्टीका सभापति रवि लामिछानेले विशेष पत्रकार सम्मेलन गर्ने बताएका छन् । गृह मन्त्रालयकै अडानमा रहेको सो पार्टीले प्रधानमन्त्रीको नयाँ प्रस्तावमा आवश्यक छलफल तथा निर्णय गर्न केन्द्रीय समिति र संसदीय दलको बैठक बसिरहेको छ ।

दुई दिनको समय मागेका प्रधानमन्त्री पुष्पकमल दाहाल प्रचण्डले गृहमन्त्रालयको सट्टा भौतिक पूर्वाधार मन्त्रालय लिन रास्वपालाई प्रस्ताव गरेका छन् । त्यो बिषयमा समेत बैठकमा छलफल भइरहेको छ । सभापति लामिछानेले बैठकलगत्तै पार्टी कार्यालयबाट विशेष पत्रकार सम्मेलन गर्ने जानकारी गराएका छन् ।

उनले आफूले सीधा कुरा नगरेको धेरै भएकाले पत्रकार सम्मेलन हेर्न र सुन्न सबैमा अनुरोध समेत गरेका छन् । ‘पार्टीको बैठकले आज ठोस निर्णय लिन्छ त्यो आफ्नै ठाउँमा छ । त्यसलगत्तै पार्टी कार्यालयबाट आज म विषेश पत्रकार सम्मेलन गर्दैछु । म चाहन्छु सिङ्गो देश र विदेशमा रहनुहुनेहरू सबैले आजको पत्रकार सम्मेलन हेरुन्, सुनुन् ।

बिहीबार पनि उनले आफू अभिमन्यु नभएको भन्दै मौनता आजसम्मका लागि मात्र भएको चेतावनीपूर्ण स्टाटस लेखेका थिए ।

उनले फेसबुकमा लेखेका छन्,’पार्टीको बैठकले आज ठोस निर्णय लिन्छ त्यो आफ्नै ठाउँमा छ। त्यस लगत्तै पार्टी कार्यालय बाट आज म विषेश पत्रकार सम्मेलन गर्दैछु। म चाहन्छु सिङ्गो देश र विदेशमा रहनुहुनेहरु सबैले आजको पत्रकार सम्मेलन हेरुन्, सुनुन्।’ मैले सिधा कुरा नगरेको धेरै भएछ ।