भेटिए काठमाडौं र ललितपुरमा विदेशी ब्रान्डका नक्कली मदिरा बनाउने कारखाना

खोज पत्रिका सोमवार, २०७९ माघ १६, ०२ :४२ बजे

काठमाडौं । काठमाडौं उपत्यकामा नक्कली रक्सी बनाउने कारखाना भेटिएका छन् । विदेशी ब्रान्डका नक्कली मदिरा बनाउने कारखानामा प्रहरीले छापा मारेपछि सो कुरा बाहिरिएको हो ।

काठमाडौं उपत्यका प्रहरी अनुसन्धान कार्यालयको टोलीले महँगा विदेशी ब्रान्डका नक्कली मदिरासहित ३ जनालाई पक्राउ गरेको छ। काठमाडौंमा फेला परेपछि फलो अपमा ललितपुरको महालक्ष्मी नगरपालिकामा पनि कारखाना भेटिएको प्रहरीले जनाएको छ ।

‘सस्तो रक्सी महँगा ब्रान्डका बोतलमा राखेर बेच्ने गरेको पाइएको छ। ती ब्राण्डका रक्सी विशेष गरेर डान्स बार, रेस्टरेन्टहरुमा पठाइने गरेको पाइएको छ ।