प्रधानमन्त्री पुष्पकमल दाहाल प्रचण्डले गरे मृत्युपश्चात् शरीरका सबै अंग दानको घोषणा

खोज पत्रिका शुक्रबार, २०७९ माघ ६, १० :५२ बजे

काठमाडौं । प्रधानमन्त्री पुष्पकमल दाहाल प्रचण्डले मृत्युपश्चात् शरीरका सबै अंग दानको घोषणा गरेका छन् ।

शुक्रबार बिहान प्रज्ञा भवन कमलादीमा शहीद धर्मभक्त राष्ट्रिय प्रत्यारोपण केन्द्रले १ हजार वटा मिर्गौला प्रत्यारोपण सम्पन्न गरेको उपलक्ष्यमा गरेको कार्यक्रममा मृत्युपश्चात् सम्पूर्ण शरीर दान गर्ने घोषणा गरेका हुन ।

अंगदानको घोषणाले सिंगो देश र जनसमुदायमा सकरात्मक प्रेरणा मिल्ने प्रचण्डले विश्वास ब्यक्त गरे ।

नेपालमा प्रत्यारोपणको व्यवस्था नहुँदा विदेशमा गएर ठूलो धनरासी खर्च गरेर मिर्गौला प्रत्यारोपण गर्नुपर्ने अवस्था रहेकोमा केन्द्रले त्यो अवस्थालाई धेरै हदसम्म रोक्न भूमिका खेलेको उनको भनाई छ ।

क्याटेगोरी : जीवनशैली, प्रमुख समाचार, राजनीति, समाचार
ट्याग : #अंग दानको घोषणा, #प्रचण्डले मृत्युपश्चात् शरीर